I iman n Mulay Obdelkbir CUPAD, tinmel n umarg, tinmel n tudert
Yaru t: Limam BENCHARIF - France

Mulay obdelkbir asafagh n umarg
Yiwi yagh k ukraf, akal igra y irg
Keyyin ad igan amdya n tilelli
Ghilad illigh teddit zun igh sul ur telli
Yiwy yid uzvettva tughmist n wufdv nnek
Yakwiy yid umettva, nekwtid tudert nnek
Amaraw n wamun, tawgit n inmghuren
Idvgam d trabbut, ghass ad dar iqqburen
Neggammi y akk nettu
Illigh tezzvelt gh ulktu
Yili ghinn ghar rebbi
Netta ara y kef negh ibbi
Ur ak neri agzvaz ula tandra
Ula y anu wad illasn ula idra
Nera yak asurf n wakuc amallay
D ubrid yusswan ur issar agllay
Tegit izm n uzawan amazigh
Igh ak nessfeld urjju n merrgh ula zigh
Tanzvezt nnun urt t yumi usayrur
Ightt ikkwa gar gh midden ar ittrur
Mulay obdelkbir asaghul n wawal
Gh usiggl n tguriwin kiyy ad igan amawal
Tessut izvelan s izvughan n tasa nnek
Imrigen nnek imurig, azerkki asenti nnek
Aferkay tegitten, udm nnun azurf
Negann tifassin s wakuc ad isurf,
I yan urgaz, bab n irgazn, bab n umarg
Mulay obdelkbir, tinmel n tudert, tinumarg
Yan ufcad i y urcac, d tawja nnes d ay ddars
D tawja tanazurt, nga win rebbi nurri dars
Imarayen nnun negaten gh tudert nnek
Raggisen nghama ula gh ukraf nnek.
(Limam BENCHARIF - France - www.asays.com)