yan umazigh izlan i yayt izilf...
yaru t: lfyou (gardmit- tinejdad) imtghern
Ddan itran ddugh s igran.
Ula mayd innan pat uran.

Kkigh abrid axatar icqqan!
Igmmunn ar tigitin swan.
Ar allagh gigh am tzizwa iran,
Yan uldjig ad t pyya ighwran.
Imttvawn inw am utfl g ifran...
Zwan ar d i ttvarn gan izvran!

Ddan itran ddugh s igran.
Ula mayd innan pat uran.

Da yallgh dat uldjig ihlan,
Yusus ufriw am lehya ger islan.
Ur i yki lxadvr ad t n inniygh ullan.
Ughulgh ar tirirgh kan izlan,
Isiggagh d ighf yan utbir illan,
Aflla n yan usklu irzvan.

Ddan itran ddugh s igran.
Ula mayd innan pat uran.

Lligh g igran zzigh pwan,
Ighf d twingimt gan am i swan.
Aldjig dati igrad ifsan!
Gan am i tkarn tta pat xwan!

Ddan itran ddugh s igran.
Ula mayd innan pat uran.

Tamazight ad t nra ad t ughrad,
Mghar inna wodaw tgid kradv,
Tamunt ayd izviln d badvadv,
Farad ad t umud tilid lgradv,
Ad am nk idammn ngam lghradv,
Wnna wr km irin pat win uhradv...