sifaw
Yura t: Mmis n tmurt (Libya)
Izekwan itcarun, itcarun s wulawen n wudan
D welyuc iddrun, welyuc di ighleden illan
A tagherma n iderghalen, islut tsisawt di tsisawen illan
Si nsugum ansil tamchut, ur nislu d netta awal nnegh kan
Nennetv in nnaj af tufut, si in adday wutan itran
Tuden tusna nnsen tattut, am irgazen am tsednan
Ibrid yetcar s taqut, m nukez many anary teklywan
Redmunt it s tiwdi tanut, ur nerwa si nessu sis aman
Agar idgha gh tuffegh tamedrarut, d tamdit wil tefkuc imatkan
Imlun a taburt n arwas arut, negh sistnut mammu di amekdan
Lemmy sifaw yummut, d limy ass netvlun iggun islan
Yuri tukza nnes n ara n tamurt, ur wukzunt mammu itant wudan
Netvlun d welyuc tssal dis tamdurt, yedder di wujenna itry s itran.