Arzzugh ij n yizri
Yura t: Mimun Amsbrid (Biljika

Arzzugh ij n yizri
Ad yqdvu isghwan.

Arzzugh ij n yzri
Ad ay yssiri ghar ytran.

Ad ay yssemsagar aked tfuct,
Ad ay yssfsi deg wcar;
Ad ay ysmun aked yxf inu:
Iymeren ad wdvan.

Izri n tmzwura:
N tfawt d waman;
Ad ay yssird, ad ay ysrir
Zeg injan n wussan.

Yuzva ghari wawar
yfsusen, ysrazvan-
Awar war ytcuren
Izabuqen n yiman.

(Mimun Amsbrid
m_amsbrid@yahoo.com)