Can, Tunes 2004

(I Izmawen n Atlas)

Yaru t: Pr. Dr. Hha Oudadess

Izmawen n Atlas;

Turut ten, ah Tamazgha.

Nnan tt ismawen, ur tt tnnin,

Anezgi nnun, ah Amazigh,

S tazzela, g wul d idvarven.

Addur, ad xef da tekkatem;

Iwrasen ayd tegam.

La Can, ur dmin,

Tasemghwert, i tmazirt,

Ayd as tram.

Tarula,

Pan ixef, pan idvarven;

Takurt,

Izzeri tt yan i yan,

Ihnuyen da ttemsedvfarven.

Pan Arrif, Sus, pan Itlasen;

Baddu isman,

Artut, akkw ma g llan.

Ayyuz, tanemmirt;

Ineghrvamen, ssenn awen,

Amdaz nna tteggam.

Maca. RTM d 2M,

Mmur ufin,

Aoervaben ayd tegam.

Awal kkesen awen,

Tamazight,

Taf ad ur yakez ku yan,

Matta, netta, azur nna da ikkaten,

Adday yucey umendvaw,

Xef takatt da isnagh.

(Rrebadv 15 Fev 2004)