Baba Pru

Yaru t: Hammad Uhric (Azvru)

(D tarezzift i ymeddukal ayt ifesti ar s testi)

Idv nna g fluflent tillas

yiri whenjif ad yamezv ammas

ixiter upbadv

irres d usadv

ifigher butafriwin

d yiles bu snat n talsiwin

ira ad nebdven

tidet zvar sen

ad ntawey ahuder temzven

Baba Pru

inker ar itperru

Xxu mmis n Xxu

nedvlen Bexxu

g anu n ublallagh

dat n titv nek a Mass-negh Aragh

terkem tduy

tenker terreftel

aqcbih n umezruy

ad titec umentel

sghuy a Tignut g igenwan

Iwis ur tezvrit anda llan

Anzvar ad yales i tlalit

bu wgelmus s ughrrabu ad ijber timeddit

akal n uftis meqqar yeqqur

aqbu aqbur n Tazart ad inker

s uzennar umlil am utfel

neggafi tadrart tender

tejgel tezzentver

tisulay ar Ticcut

nemsvafadv d Uzenzvar

isawel mgal tittut

yagel yafru intel

tidet tegwdel

awal n igider ad yedder

Baba Pru a buwkabar

tibratin n Umzvar

hrint awen advar

amud n tgherma

zzvut di yal tama

taghuyyit tegrit

tsegwrad g Tmazgha tiqlit

tarusi d tiwit

neffert di tmazirt

tarusi d tiwit

neffert di tmazight

Baba Pru

nekwni tarwa nek ass a

nermi itca x ukukru

nettvef tasga

irzva x umru

Imsudven dishurec Usadv

kuk d mani zey di t tazzvad

allig semxazzan tamurt

ul ixaq itraju

ass marad taghult

taf ad tefru tehlu.