Annay xef tama n tudart

Yura t: Mimun Amsbrid (Biljika)

Teggwdegh ad zvwigh

Ad ssin kkegh d abrid...

Ghar ughirin i wswadv

Ghar Tfawt Tameqrant

Tfawt nni tazeyzawt 

Tfawt yesdvarghiren.

 

Tbeddigh xef tama

Itawi yi wannay

Tessepruddjuy ay Tfawt

Iymeren fessyen, ifuray twettvan

Tiri tesmuna ibehrar nnes, trakkûr

Zzat i tfawt tazeyzawt 

Tfawt yessefsayen attvas deg Ijjen.

 

Teggwdegh  maca ssajjigh

War zemmregh ur ssijjigh!

S usijji deg wzabuq n walu

S wannay x tma n waddar

S wswadv di tisi n Tfawt d useghdi 

I djigh...

 

Ssin i d tajjwegh tudart

Ssin i d kessigh tfawt

I yebriden inu yenndven

Ssin i d tawyegh tizemmar x tudart d imezran 

Tudart i war yedjin d amsedvfar n wssan.

(Mimun Amsbrid, 27/01/03)