srmd ayi ad uyurgh

a yadhar n ubarran

ticri n abdekrim

d muhnd amzyan

war gwargh ad xrigh

ghar tmurt n uliman

ad qimgh di tmurt inu

arrif inu ycnan

srmd ayi ticri

n muhnd amqran

ysmunen tiqbbar

amcnaw idvwdvan

istf itn d asddi

amcnaw ighunam

war tn itidf usmmidv

d buzgwagh aoffan

ifard lbarani zg

idurar d ighzran

srmd ayi ad uyurgh

a yadhar n ubarran

inas i abdkrim

aqa dwrn d wussan

ussan nni tddarm

ck d muhnd amzyan

ssntanangh d s uzawar

d wnday n isndan

ca gin xas rkif

ca gin xas azidan

ca stloen t ghar barra

ca xmrn t dg ifran

ca yga fus akid sn

itarra imzran

yznuza dg ayt mas

amcnaw buywzan.

srmd ayi ad uyurgh

a yadhar n ubarran

ticri n abdekrim

d muhnd amzyan

ad sngh ad uyurgh

ghar tziri d ytran

akud a di ndja

d ck xas i ynnan

akud i di d usigh

yssizwar ayi zman

ad d yas ijj n wydud

ad yfhm min yodan

ad yfhm i wxars

i ghari d amqran...