Oad nec tmenghix aked wakud, temcubbucex akid s xef ussan ig ithewwas zi tudart inu d marra min illan inu. itejja tifray n umezruy inu d tticemrarin ussan inu d ttimedjiwin, rami war sight ad irigh d anecruf nnix ad irix d amsebrid.isvuraf inu snekaren tioejjuja d tiharyadvin sdareghlent akud n isvuraf inu qessent amen qessen idurar n arrif ameqran, zzat ma ad ssijjex xef yil acemrar anamas ssijjex xef rimart n imezdagh, rimart n ixxamen d tisuntawin d tighedwin. Oad day sent rimart n tyarsa. nec tadsegh ghar dcar ixran arrub itessu ajartir ad ayi isnewju. Nec xezzarex ma ad twarix ca n ddexxan zi ca n teghmart shessigh ma ad tselligh I ca n wawar nigh d alaghi nigh d imettvawen. War din bu lhes sennej I driz n wur inu, war din bu ddexxan rami timessi targha di arrimet nec wdvigh deg ixarrisen iseqsan wettvan d xafi twettvigh tnekkaregh tarmegh isvuraf jar i tghemmura n ixxamen. Minzi d mayemmi ict tekk d zermedv icet yeffus. Ma d aoraq nigh d asoarreq nigh d ahewwas i da iwtin s rebraqi n arpaj arami issizegh marra min illan sennej I tmurt iqqim illa uzvru d ucar. Ma tennujwed tzawa arami uzghent tariwin tibehhar war sseghmiyent. imezdagh ksin fad di tmijwin nsen uyuren ur d dwiren, ssentigh ad snegh illa war d ijj n dcar zeg wattasv n dcurat ixran. Azidjez yarsa xef ucar azvru n ixxamen idwer d icacar, amen war iwidvegh ad snegh man tamurt iccin imezdagh ura man yil Iten yeswin

E-mail abdelhakim.1@hotmail.com