Agdud n Tudmawin

Yarut: Muhemmed Peddawi (Oin Lluh)

Kuy asggûas, g wayur n Sayur, llay ittuyagga ugdud n Uhidus g tmazirt n Oin lluh, Fazaz. Agdud (festival) ad lla tegga tmesmunt n Taymat d ughlif n tedlsa, maca agdud n usggûas ad ur ummeswa d winna zrinin, acku tusinfent cigan n tmesmunin n Uhidus, ur amunt dig s. Tedda d yut n tsqqimut neghed tasmilt tega (tasttayt) I trebbao (équipes) n Uhidus. Tenna sen: "unna yssen ad

yurar ahidus ad yadef (ikcem), unna ur issin ad yanef”.

 Amata g tmesmunin ipbedv, ikccemt ufus ar ikkat ar izeggel ad iraoa (isksu) manig gha yaf abrid itekka ad isiwel xef tmesmunt nes ad tzri ad ur teg azwar ammas n trebbao n uhidus nna d iddan zeg maggan tanila (tamnatv). Mac ghas yuk ubrid ayed yufa umata, netta ami ttinin tudmawin. Innas umdyaz gw awal nes:

Nedda gher ca nna gher illa ca bar adi gin ca.

Dvart (ffir) uynna d ittusghim ugraw n tsttayt n tmesmunin ussan n 5 d 6 gw ayur n Sayur, ittufsa wawal mas ttuyaggant tudmawin d usmyafa ur inzvizven inger n

trebbao uhidus. Infif nna d usin ayt tsqqimut izzry yits ur issenn mazeg tekkant i whidus: ca yzri iddex imyussan d ayt tsqqimut, ca izri iddex yamu yuk zeg terbiot nes g ayt tsmilt (comité), idd ca ghas iddex ghur s illa uoccabu (axam) akswat, abaraw, ighudan issan s iherbel d muzun.

Nnan asen i tmesmunin nnay tusinfen "asggûas ad ur turarent ca mlih, maca gat ahbbal i ymal mec nedder s

rebbi”

Innas yuk ughbalu zeg ighbula n Buherc:

1.Tenna c tfunast inas i bab n taddart ssikix (ur telli tarwa) asggwûs a.

2.Idda wghu nna tzvram ur qqimen digi sgherr i winnax ksanin.

Tasqqimut ur ttuwiy gw awal amazigh aqurar ar traoa ghas mayed aysellstiyn mlih (mouvements). Imazighen ur asen d yusi uyad ittugan acku:

1.tasqqimut nna ittusghimen ur illi mayed yamun g usghim nes: tersed amm igider xef ixefawen n tmensmunin.

2.Llan g tsqqimut midden nna ganin imgharr n trebbao

uhidus: iddis illa ma gha yttun tamesmunt nes?.

3.Tasqqimut llan digs midden ur issinn mayed a ttinint yits n terbbao amm ayt Warayn. Ma gha sen yinin

ghurun neghedd ur ghurun awal!?!.

4.Tudmawin llas tuttuyent s tmazight adjint g idvarr n

Talat.

Suyad lla tsghuyyu tmazight ar teqqar iy mazighen ad fukkat, patin twala ifassen i gar imazighen, iddis inna wuccen ad iks ulli mad is inna icoeb ad amddakwl d ifullusen!