Awarena yeddaren

Yura t: Mimun

 Amsbrid (Biljika)

Tfuct tghri xafi

Qqimegh di barra

War ghari idvnnat

War ghari tiwecca.

Tamurt ur d ayi teysi

Ajenna yejja yi

Azabuq s wadday inu

Nec itawyi xafs wannay

Tettvfegh deg wawaren ad tagh war twettvigh

X yimi n uzabuq teggegh zzay sen ahennyrur -

Jar tigwdi zi wettvu d mezri n tisiwin

Jar tadjest n wadday d tifawin n nnej

Jar uraghi n tmurt d uzughmet n tudart.

 

Tmudegh iseghwan inu s wawaren yeddaren

Awaren id ighmyen zi arrimet n yewdan

War djin n ujenna

War ten hdvin igellad

Tidet nsen d aysen  ur telli s nnej nsen

Ur telli awarnasen:

D nipni it id itejjan, zzaysen i teddar

Twamudv  s wawaren

Tfessi s wfsay nsen.

 

Tidet nni ssa  ur telli mays nnidven:

Tidet n ucar d tfawt

Tidet n uzmmur d tzayart

N tsedvwin zzuknent

N isitimen yuyren

N imunas degw urawen

Tidet n yebriden  tawdven nigh war tiwdven

Tidet yeddaren, i yeysin s tudart.

 

Tidet yetseqsan  tidet yetwaseqsan

Tidet i zemmren ad tini:

Nec ur lligh d Tidet.

(Mimun Amsbrid,12/05/2003)