Xnifra nnegh

Yura t: Bajji Saoid (Umedda)

S yism n Xnifra aw it tinigh azul axatar ayetma imazighen. Xnifra illan g idj n uhfur d azeggûgh, ikka s wasif n Um-Rbio zeg walammas.

Illa s udrar n Ba-Musa zeg ughelluy d uqellal zeg ucerruq, d buwuzzal zeg wadda, d buhayati zeg wafella.

Tidurin nnes yan am wacal, d tizeggûghin, duren as teqbilin zeg maggan tanila.

Tamazight aggan awal n imezdagh nnes, maca llan dik s midden iran ad t inegh. Zeroen d g warraw nnes ifesan n taorabt. Yaghul umazigh lla d it akem tannin ar is murdus awal ur iyin win nnes.

Is taghul taorabt taya awal nsen, ar tinin 'Sidi' i wanna ur teyin, ar sudumen afus i wen nna ur tiwatan. Yuli bu idrimen iya bab uxxam meqqar iya agheyul, oayden id bab ixxam yan iherdan nezghen iserdan s cwarya xewanin.

Idj n wass digh gher isennal n Muha Uhemmu azzayi. Nnigh as «a dadda, max Xnifra alleg taya tazeggûght?».

Inna yi: «Acku teswa idammen n irumiyen».

Nnigh as: «Mata lehzen ad ghif k a dadda?»

Inni ayi: «Acku neghan i warraw inu sul la nqqar arraw nsen, tqqimed digi  a memmi gudegh ad k neghin cey d iqerin nnek, maca loar nnek tamazight awal nnek»