Buttgra

Yura t:  Sifaw Najib

Yan umkraz icibn idder gh ufra ura yas issexsvar ufgan lextvr, isala ijjign gh urti nes, ura ittekkis abla willi ttvafnin advu ijjan. Yan zikk n svbeh  n mayu urd yufi amer yan ujjig, innughjef bahra, inna:

-mad iccan ijjign inu?

Iffagh gh urti iqqen t s ifker n uzzal, macc llighd yucka svbeh ann yufa d niddagh ayllid ighaman gh ijjign ittuttca!

Inna: "gh idv ad urad gungh abla igh ssengh mayyi ittakrn ijjign inu”

Llkem idv, uggand itran, delhint pad yan buttgra igan attebbezv yittin s yan ujjig att icc, irqes umkraz inna yas:  "hyya keyyin rakk amzvegh, urad terwlt!”

-ssurf  yi, inna yas buttgra, is yi ka ingha lazv!

-ad ak ssurfagh? upuy, sti tagharast lli serad temmett!

-Waxxa sekr yi ayenna terit ayamkraz ioedln, macc ayyin ka ur teluht gh waman ur tn hemilgh!

Iluh umkraz buttgra gh waman n wasif.

-ihhikk oedlghakett, inna yas buttgra, ghik ad ad righ, umzvegh tadrfit inu iddu buttgra ar itteoum, ifled amkraz innughjef bahra.

amawl :

-buttgra : tortue

-amkraz : paysan

-innughjef : il s'est énervé

-issurf : il pzrdonne

Sifaw Najib