Timsirin n wurrif amazigh di Dzayar 

  (Les leçons de la colère amazighe en Algérie)     

  Yura t: Muhemmed Budpan

Nessendva (terminer) tamessizwarut n wuttvun i yzeryen s wawalen a: «Ituman d (il parait) is tmazight war ttif ansa nnes mghar imara nekkar ad xaf s nemmet am tugha ntmetta xef tmûrt nnegh». U pa ymazighen n Dzayar tmettan s timadv (par centaines) huma ad tili tmazight. Wa d ijj n umecwar d amayny (nouvelle étape) n temzaght (combat) d umsenkar (résistance) xef izerfan n tmazight. Izemmar ad yili webrid a d allal (moyen) amellil (efficace) i temzaght xef izerfan n tmazight awarni ma yefra (s'avérer, être claire) is inebbadven arennin di degdelt (exclusion) n tmazight u tmuyuden (se moquer) xef tnegmiyin (revendications) n imazighen u tedvsvan (rire) xef temzaght nsen tamsefrakt (pacifique).

Maca aduqqez (l'explosion) n wurrif  (colère) di Dzayar tugha dt d ict n temsirt (une leçon) i ynebbadven i yghettvren zi tmazight u xezzvaren ghar s am ijj n unezgum (préoccupation)  n “imezvyanen”  u d ijj n wemnus n yict n tedghert (élite) yeghrin tafransist. Min yemsaren di tmûrt n Iqbayreyen yeccn asn d is tughayen deg ûgul (erreur). Urrif n Iqbayliyen yessenzva is tmazight ghar s ict n tighbi (profondeur) d aydudyant (social) tzemmar  ad tsengugel (ébranler) tanbadvt  di kuy izemz. Tghir asen i ynebbadven idzayriyen ad yegza (suffire) ad tenghen ijjen nigh sin n imazighen uca ad arewren imghewghen (les manifestants) u ad msebdvan. Mmuten mraw, mmuten timidvi, maca imazighen war dwiren ghar deffar nigh arewren. Tmarnin d u ggûren ghar zzat temnalan (affronter) taldunin (balles) d tmettant (mort). Inebbadven ggwden, tewren d timdeffart (reculer).. ggwden xef ixf nsen mani zvrin is urrif amazigh yiwedv ghar twazvitin (régions) nnidven i war yedjin d timazighin.

War din bu turda (sans doute) is aduqqez n wurrif amazigh di Lmughrib ad yili yemghar s wattvas x wenni n Dzayar, acku Lmughrib day s imazighen ujar Dzayar u tmazight aqqa t oad tetwagdel day s ujar mamec tella di Dzayar.

Maca is ysin inebbadven n Lmughrib ca n timsirin zi wurrif n imzighen di Dzayar?

Zi 1994 ssentan inebbadven imughrabiyen tazvren (réprimer) tmazight s yijj n wudem yelghegh (doux). Tuzzvirt (répression) a yelghighen  ttuman d di tawila (forme) n tikezzayin (vaccins) i zi tkezzyen (vacciner) inebbadven tafekka (corps) tamazight huma ad tezzidver (subir sans protester) u tesnekmar (supporter) cigan n tlekkawt (mépris) d tegdelt d usetmi (marginalisation) u ad yennam ad araji  d usemti (le fait de reporter à une date ultérieure). Tikezzayin a ssentant s yinaw ageldiw n 20/8/1994, dvfaren t id ineghmisen n tmazight deg wtilifizyun, yuss d awarn as “usedfu” (“réanimation” /promotion de tmazigt) n usudvrer (déclaration) anabadviw (gouvernemental) di 1998, arnin d xaf s “LISTINASS” (ad tili tmazight d tismeght n taorabt) deg ûrkawal (pacte) n  segmi d uselmed.

Manya yejja inebbadven war day sen itili ula d ijj n wemnus mnid i tmazight, s umentil n teflist (confiance) nsen deg  igmadv (résultats) n tikezzayin.

Wa di tidett d ijj n texceft (piège) i tneddi (tendre un piège) i yixf nnes tenbadvt.. U tzemmar ad ays tewdva di kuy azemz. Acku tanagrit (assurance, confiance) n inebbadven is imazighen war reffun (se mettre en colère) ursar  itejja ten war teggen war tagin ad ssikzen zi tmazight. U manaya yessemghara deg urrif amazigh i gh ad yedduqzven ijj n wass am ijj n wewrir (volcan) yekka attvas d netta yexsi yesqar (silencieux).

Urrif amazigh, ass i gh ad yekkar di Lmughrib, war itili di ca n twazvitin wapa am di Dzayar. Ad yili d ijj n urrif d amatu u d anamur acku tmazight, di Lmughrib, ttighmes (couvrir) qao tmazirt n Lmughrib. Ad yili d ijj n uduqqezv d axatar am “Big Bang”. Tumayt (contenu) nnes war tghimi d tanettit d tutlayt timazighin wapa. Ad kid s d isduqqez qao tighwsiwin tisertiyin d taydudyanin tugha yetwakemren (être refoulé au sens psychanalytique), u marra ikaramen (dossiers) i wi xef ssiwilen, am wemcacka (complot, connivence) n teghdert tandalusit aked  tamparsa (colonialisme = aseddurrey aussi) aneggu (contre, 'mgal' aussi) i ymazighen; timura n imazighen i tesseodu Fransa i yenni war yellin d ayt bab nsent…

Imazighen war d asen yeqqim min gh ad zlun (perdre). Wenni i ytiraren aked yijj  war gh ad yelli min gh ad yezlu, d netta i yteffghen s tuzzla (perte). Wenni war ghar yeqqim min gh ad yezlu, am imazighen, iteffegh ibarqec (gagnant)  mamec mma llan inelkamen (conséquences) d igmadvn n wemlasay (lutte) d umenghi.

Is inebbadven   imughrabiyen gran (assimiler, comprendre) timsirin n urrif amazigh di Dzayar huma ad unfen (éviter) aduqqez n urrif amazigh di Lmughrib?