Tzva tzva sin ifedven d tzva

..Sul ukan gix zzugazen takerza

..Yirr afella, wucc ageza

..Nejjawn tighuyya, agerdv igurza!

* * *

Tzva tzva sin ifedven d tzva

Sin ifedven tzva tmadv smmu-meraw d tzva

Di, nega sen g wanghiwn tizzva

..Tura nega g immi nesn tifizzva!

* * *

Tzva tzva sin ifedven d tzva

Null taghwrit nesers tizza

Timmurgha tuf tirrugza

..Yap,Tamart tuf t tawneza!

* * *

Tzva tzva sin ifedven d tzva

Ccan tiglay feln agh iferzzva

Zzenzan amur, atig nnes illuzza

..Ill ar tiniri d udrar azegza!

* * *

Tzva tzva sin ifedven d tzva

Ighirdem ittvay d sergh ixef, isegnza

Ablinka n ugemmudv uten as agganza

Ayyaw iwwujda, lah as anza!

* * *

Tzva tzva sin ifedven d tzva

Kerzen ighwwaghn akesum, nekwni ghas afeza

Tzva tzvi, pann nekwna nettvrezva

..Nessumg i wiyyadv ukel n fellax s ifenza!

* * *

Tzva tzva sin ifedven d tzva

Sin ifedven tzva tmadv smmu-meraw d tzva

Nellef i tghnsa, nehnnec tarekza

Anelli iga tagganza, addur ittemza!

* * *

Tzva tzvi sin ifedven d tzvi

Sin ifedven tzvi tmadv smmu-meraw d tzvi

Tzva tzvi sin ifedven d tzvi

Sin ifedven tzvi tmadv smmu-meraw d tzvi…

(Belaid RAMI AZWAW, Casa-ANFA: 09-09-2009 / 2959)