Yaru t: LFYOU(Gardmit-Tinejdad)

(D tarzzift i yayt izilf)

Iniyat as ayuz a yasmun!

Gati tubdda righ an mun.

Pan lirkam ira yad ad gh ig aghamu g uhursi,

Idgh as nnigh amazigh ibrra lhkam n tixsi.

Isbrv umazigh g tillas,

Irzvem i tenbadvt ccilas.

Mghar ittuty udrar Bulman agensu dat isghus,

Ira ad ig am utbir ad ittafraw ad ur irrus.

Wa wllap mrid i tarwa!

Awa tggegh ca d am urwa!

Ayd imttvawn n ullatn ass llig ad gh usin itri,

Iggulla wmazigh ur yad as tggan ifri.

Awa tga hllu tamurkist,

I wawal nns ad ur isnist.

Ikkatn yan zman g ur ighiy umazigh i wuccan,

Ma dghi imghur umur nns iburz iga ccan.

Ilaq ad nasy warru,

Awd yan innan ad agh irru!

Tayri n tmazight ayd igi ma badvad idda irul,

Ur yad nnigh ad irigh tarbat pat immughyi wul.

Lirkam iga ixmutca d irkan,

Iwtat ureftil zlan as iberdan.

Iga tagatut i kul mayd igan amzigh ighran.

Pan bu tenbadvt ur iri amazigh nna ycwan.

Inna k dfurat i a tarwa!

Aynna nnigh pat irwa!?

Idda Maatoub d Uzayku d Dda Lmulud mmutn!

Ig bu wawal d bu wamar lfreh iddgh walutn.

Pan winna yddan pat is ghzvan.

Iqqim Lirkam ig axwcac ixwan.