X tma n tira (II)

Yaru t: Mimun Amsbrid

«Poetry – I too, dislike it. Reading it, however, with a perfect contempt for it, one discovers in it, after all, a place for the genuine» (Mariane Moore, 1887-1972, From Selected Poems, 1935)

1

imghar UYNNI

2

axyyeq ad izdghen di rqpwa nnec,

di tmuziqit, g ighlluyen,

g izkkunen n udvir,

g izran _

zzays i tddred;

d netta i ck gha inghen.

3

tcerrzed ur tmejjred!

4

yudjegh uyzzim – aysum iwdva xf ighess.

5

tsnuwfud:

asnuwfu¹ n wnni ijjin ighzar ad t yawi.

6

gwdegh ad yazegh unessis s wanict n uyad n tzawa.

7

izzerfi ck unbdu yad.

8

izdegh UYNNI – ur idji wi t ghad issufghen.

9

tessyamed isidv i ck ghad iccen.

10

itragha ac d ughlluy – ttazzred ghars.

11

Tcaykuvski²

imarmd it UYNNI.

12

negga ad nemsagar g wjenna: ur d tusid.

13

udfegh xf umdyaz – ufigh t ittru.

14

awarna k, wi gha ihdvan asynu?

15

Oumar Butmzzught³: tmijja n UXYYEQ.

16

anict n min tdjuzed tudart i tt tjjiwned!

17

tkker tmssi gw ur,

tettvef gw awaren –

dewren d izran.

18

twarid,

ur tmwirid.

19

ur idji wi tt ghad isbdden.

23

treqqamed tazggwart s izbviren n tzvayart!

24

turi d tziri,

acfir yarra tiri,

amedyaz g wxxam nnes –

itmetta.

25

isghembeb ujenna:

ikked ca jar ck d akids.