Gar aggas ad tgit a tawuri

Igh km lah igh ur tllit

Pad iorrimn kmaln tighri

Lmdn anawn n tghawsiwin

Imil ur rin d giwrn.. giwrn..

Skkusn ggammin mad skarn

Rmin taguni rmin tskkuyust

Uggan krygat tasga ilih tawuri

Gawrn ar ka tsnnadn ighrban

Gmrn iskla ar ka kkatn izan

Wanna ur igbin tasa ns

Igh ijdr ull ns

Issudu aghrrabu yudm aman

Ilkm igh ur ilkm dar twuri

Ah ggutnt twurgiwin n iorrimn

Wanna itllin s twuri gh uzmz ad

Iga zund wanna ittayn aman mmirur

Ap a wak wak ar zrayn isggasn

Ap awak wak ar tussarn iorrimn

Ilh tawuri gammin tawuri

Skr a yanbbadv i yorrim tawuri

Ad ukan ur jlun gh tswak

Adukan ur kmmin igh ad tnfahn

Manza tinflit li sagh tinim?

Ayli ubughlu tili twuri

Anttay igiwr n tswak

Gr trubbay nd bu dama

Ligh ran iorrimn tawuri

Ar soyyadn ilih mayasn isllan

Pan tanbadvt tqn imzzagh ns

Willi n walanin gan idrdar

Ur asflidn ima ur rin

Nan nanasn ttlat iorrimn

Fatasn tawjja d lbiyyar

Fatasn iwriqn d dama

Ad ttun abddad d atllin s twuri

Nan asn wanna ur irin ayttxmmar

Tajjim t aysoyyad igh ayttagh

Inin iorrimn tawuri wala bda ns

Ar soyyadn skrn abddad ula tawada

Slkmn amukris nsn i ku yyan

Zrant ayt tmazirt ula ayt umadval

Inna yasn unbbadv igh ur tqnm iqquma

Ra tzrim tawuri ghiklli tgga twuri

Taylgi urta tghli tifawt ad ukin

Asin d aghruc s iorrimn ar kkatn

Akuray ur ayzlli gr wa ula ta

Aghruc ur isn amzyan ula axatar

Pan aghruc iccat kuyan

Ap! aman mmirur ad tgit a tawuri.