Tunga n imar nnegh

Yura t: Mahmoud bellachir

“D awarred i mca”

Tanda n iseqsan tmuttuy deg udem

n tarennawt

Tfuct temradas di raggaj n taghwect

Ixfawen tacmen raxat s tanezmart

Imar d isli; itraja urar n tammurt.

Xzar di tidet mani tennedvfes tisit

Mani indver yiman inu tizit

Nec d tiri n idvennat di turjit

D imettawen zi titv n tawaghit.

Xelli tufut texsi x uxxam nnegh

Xelli tewsar temzvi nnegh

Ur tmetti tunga n tamazight nnegh

Deg wur yusmen s izvewran nnegh.