tullizt (nouvelle):

I mas anbdad n uvmis

yura t: Dinu Buzati, issuvl it id zi tfransist vur tmazivt: Racid Najib Sifaw

Asikz iëçagn lli flla ad awnt iniv, içäaë ayyid ifl tanagrit.

Tga tallast iggutn… ur ssnv ar vilad max lliv tt päiv mnck ayad f imddukæal ini ula tawja nnw, ur fllas ssinn yat!

Dat ad kramraw n isgåasn, giv anvmas v uvmis lli mu tgam anbdad nns, ar salav  tawwuri nnw vmklli d tugguz, waxxa vikann ur bahra ttussanv, ar ttarav f imakrn d idbu imxixn d tmvriwin… mac ur ufiv s ulvm acku imgradn inu ivd ffuvn ura ttggan vmklli s tn uriv!

Tlla dari yat tkaylalt ad ttarav taskla, mac ggummiv i vmkann, ivd iffuv yan udlis n tskla n yan v imidawn inu, ar ittbbi ussam ul inu, ar akæ bahra ittigut iv srs yiwi yat tsmvurt mqquën v watig.

Yan wass, yackann dari yan urgaz s usggaru n uvmis, ur jju t çëiv adlli, inna yyi:

-       assav inu L.M çävv ammas n Tirinti, giv amadas n yan v imidawn nk   v tinml,tahlv, babas n sin tazzanin, jjliv tawwurin nnw lliv uänv, ur yad ïïafv mavad ttbbiv tubbuct n uvrum!

-       maradak za skrv nkkin?

Inna yyi zund yan wazzan mççin:

-       ar ttarav tallast d ungal, amddakæl inu Hinri ivra tnt, inna iyi mas fulkint, inna iyi add dark ackv adak tnt mlv, kyyin tswwurit v uvmis, tussant, tussant bahra, tzäaët…

-       nkkin ma mu zäaëv? ur giv abla xizzu f iggi n tufdilt, avmis urad izzray tiwwuriwin n tskla abla iv tnt uran imarran mqquënin…

-       imma kyyin?

-       ur giv abla yan v ivmsan lli ttatranin invmisn.

-       Mas avmsan, ad ur tzziwzt ixf nnk, tgit aozri, dark tizi iggutn. uh! irwas iyi isk zziwzv, rad ftuv, rad dark flv iouridn inu, f udm n wakuc ad fllasn tlupt yan usmmaql, iv ur tzäaët ajj tn.

-       Ar ak as ttalsv, ur rad gv vmklli trit!

-       Mad issnn? zzhë, vr tn, ur rad trfut.

Idda, ifl iyi yan ugudi n warratn nns, iwiv tn s tgmmi, jlun ngr idlisn kra sin yyirn, ur jju nkkin ad gisn iswingmn!

Yan iä, yugi iïïã ad iyi yawi, yili dari yan uçuçä v tirra, riv ad ttarav mac ur dari llin iswingimn gaddanin, lliv a ttlliv s yan udlis iäë v wakal yan ugudi n tfriwin, lliv a tnt smmunv, anniv ngrattsnt yat tifrt ur ittyaran s tirra ganin tinu! vriv asaëaä amzwaru, wissin…aylliv vriv tifrtt, dduv s tissnat…

Uh! ungal n L.M ayad, yan ungal! ifulki, iga amaynu! yustwa, iga nit vmklli riv ad t ig. Ungal ad iga amaäal inu! L.M rad ikcim tagldit n tawsna d taskla.

L.M ur iyi ifil tansa nns, illa flla ad srs qlv ar dd yack.

Lliv d yucka, isqsa iyi:

-       is tvrit arratn inu?

-       yyih.

-       Mad igan amnid nnk fllasn?

-       Ur tn yav yat, mac avmis v..

-       Amnid ad nnk igda yyi!

-       N…

Iswingm yini: «ini iyi s uvçan, mladd is tgit amarra n tirra yad, v idis n ucmkar ad lli giv, is vinn ur tlli yat tçiäiët idrusn add ilin v uvmis?»

-       A yakuc inu, mad iyi d yiwin amzluä ad? ur ssinv, anbdad n uvmis rad ig anmmaru!

-       Ad nçë…

-       Marad awa nçë?

-       Sll iyi a mas avmsan, nkkin ura siggilv abla s iqaëiän, iv tçäaët ad iyi tawst, rad ak flv tirra nnw s timmad nnsnt!

-       Manik?

-       Rad ak tnt flv ad gint tink, skr srsnt aynna trit! nkkin ar ttarav, kyyin zzrayd s wassav nnk! rad nsmussu tawsna!

-       Rad ig mayann assikr ixcnn !

-       Max? rad iyi takkat tivrad inu, ar ttmussunt tirra nnw!

-       Imma iv tuänt?

-       Awd kyyin rad tuänt.

-       Iv iyi yuzn uvmis s bëëa n tmazirt?

-       Rad k ccukkuv!

Ittfu f wanna iran ad ittussin! L.M rad ittara, nkkin rad asd zzrayv s wassav inu nit! Rad as akkav tamrawt f tmiäi n kraygat adlis nnad nssfuv.

Wissin usan, iwiv I mas anbdad n uvmis yat tallast, uttrv gis as tt ivr, ismaql gigi yan usmmaql ur yustwin.

Lliv zrin kkuç ussan, tffuvd tallast v tifrtt tiss kraät n  uvmis, ummrv bahra, waxxa yak ur giv amarra nns. Ccukkuv asnn tallasin yaänin, yan ungal, ggutn imvran lli t isvan. Ttussanv bahra, ttuskarn didi imsawaln, tikrkas…ayhayh a tikrkas!

V tsga nns, L.M , lliv thiyya tgudit tamzwarut, yiwi iyi dav yat igan tamaynut, ura ittli abla s iqaëiän ! nkkin ggutnt tivrad inu, mac ur a tnt ittawi abla L.M.

V tizi yad, yuru L.M këaä warriwn, iskr tihirit, isva taddart v iggi n il. Nkkin ur skirv yat, imddukæal inu ar sqsan v mad skarv s tivrad lli ttamçv.

Mas anbdad n uvmis, vikad ad tga tallast inu, L.M ur t yad gumn iqaëiän lli yas akkav, sin imalassn ayad, tlla imikk n taçit ngrat nnv, ur riv ad as lqmv idrimn, ur iyi d ilmma yuzin kraygat asnflul, vikann af ibidd unyalkam inu d imvran n uvmis sin imalassn ayad.

Ur a siggilv abla ad iyi tlqmm kra n idrimn, ad ur ttum tawwuri nnw iggutn v uvmis ad! iv ur trim, rad ddun imvran, rad dduv, rad iddu L.M, rad iftu uvmis!

(zg udllis: “Désert des tartares”)