Timdyazin y wazzan amazigh

yura t :Muhammed arejdal (buyzekarn)

Turtit i yjdign

tifawin f turtit i yjdign

rih gitunt iymuruyn

ad nzvr kraygat anaw ujdig

kulanin suklan n tladrar

ad noamr izrinw g twrghi lghnbaz

nsmaql tazughi n ujdig n flulu

nkdu itujutin lqnurfl d lhbaq

nzuzwu g imula n waddagn n rmman

ar nsflid i yskizzi n tzwa f ujddig

d tghlaghal n waman g trgguin d imuzzar

tdl tujjut iyjdign nm a turtit adrar d uzaghr

yusitn t wadvu izuzwan simudal.

azul i flujjan f tuzunin

lingabalnin d uznzar n tafukt

irayi gitunt lghrdinu isafarn

ad nluh tit inu f tzgzut nunt

nkdu itujjutin n talwrdin

nzr tizwa igh ad trusant f ujdig

ar nsflid uzawan i ygdvadv

tizi nna gh nzuzwa g usklu n luz

ar nsimghur amkraz walli tnt iswan

ar as ntini ayuz nk mass amkraz!!