Tanfust: Yurew icoeb asadv!

Yaru t: Muhemmed Peddawi

Ikka wapli yuk n oari g yut n tmazirt imlalwan llas tinin Oari n umedda. Oari yad illa digs maggan asklu, maggan aywal d maggan ahcelaf. Ilin digs altu ighbula d isaffen d iglmamen. Manic a oari yad lla digs zeddeghen iozzaben zeg adday iwdvent tifsa all tagerst s wulli d izzyarr d ifullusen....

Yuk usggwas msarawen iceoben d imddaten alliy tcan ur

ssirden, ukan arasen tettan ifullusen i ymzdaghen n oari; ayenna irahen i ymddaten s wass asin t iceoben g idv. Iozzaben tagh ten tmara d watvan s uyad. May (mayed)

teggan may ttinin, kkeren iryzen d taytcin gan tancra d

yut ad myawazen xef uoddul n yllyan d tizghrin hma ad

xlun iceoben d imddaten. Ku yass neghin digsen arbio alliy ur iqqim ghas yut n ticeoebt d yuk umedda abaylal, ur ax itegga rebbi d anna yedvfar ufus.

Dart uyad, irs lman xef iozzaben d ifullusen nsen, maca tezdegh tghufi xef ticoebt d umedda; nettat lla tsekeokio g wacal, netta lla y sghuyyu g igenna. Ass nna g yiwedv umula i ticoebt ar trezzu manig gha taf can icoeb awtem; tekka ifran, tekka talatin, tnada g ixlidjen d taghyiwin, ur tudji ma wer tekki, imil (maca) ur tufi walu ghas taghsvwin icoeben mmutnin, llan izan lla ghif sen kkaten t. Lliy as tehraf g wacal tberrem ad traoa g igenna, ar tseksiw bepra ay tannay yuk umedda, ku yzvad isghuyyu iddex as tiwedv awed netta turza nnag gha yerzu can tmeddat maca ur yufi advu, acku texla txamt imddaten. Iddex ten ismun unzgum n tghufi, yufa wqercal ymas. Iwwet yazzufed umedda gher ticoebt mmezdayen tasi ar ttaru. Ayur xef wayur all ass nna g tra ad taru, twaoed yun ifri llas tinin Ifri wadvu, taru digs yuk ugherdmmuc; ghur s axencuc am butfrut (icoeb), llin ghurs wafriwen zund ajdvidv. Iwa ywa ar tssutvudv ticoebt alliy ixater.

Yuk wass isudv uzwu atvas (cigan) xef Oari n Umedda ayenna ur djin igi, dvrent tillas xef wacal ur ittisidd ca mas igan advadv g titv, irdel uzwu tiqecmirin d tsufa d watgall d umata g ioccuba n iozzaben. Iryzen pebdven, icirran (ihenjaren) ar sghuyyun, imeksawen zlan ulli g oari, ku ca mani gher irura s ixef.

Gher s asekka nes, maodwa ag bbi uzwu, ffeghen midden ad mmerzun, mesqsan xef mayed yarun ghifsen ass nna anoimal. Awed yun digsen ur issin matta umuttel

ucell imzdagh n Oari n Umedda. Nnan may n tegga may n

ttini, kerat ad neddu gher Dadda Hemmu netta aghax irzvmen tighuni n wass nnatv apaqqar. Llig ddan ghurs ufan t illa iwwet aqjdim afella n yut n teqcmirt am igider. Nnan as negher ac s taymat a Dadda ini yax mag arun xef Oari n Umedda. Ifest alliy nnan is ur iri ad ghifsen irar awal, innasen: yurew icoeb asadv! nnan as mimcas, iddis inna butrut ad yaru asadv i wapan tiqzzioin iwa!. Iberrem innasen:

unna gher illa ixef ad yisin, unna ur tilin usar tinniqqin!?!