|
Uttvun 76, Tamyûr 2003 (Août 2003) |
|
|
Izri n tudart Yura t: Mimun Amsbdid (Biljika) War ssighegh War znuzigh War yarwegh War smunigh War terwegh War d tejjigh. War ggigh x tzeddight Oemmars war tnumegh D anewji x wussan D anewji x timura D amedduker n tudart_ Arezzugh xaf s, neddyegh as Tawyegh t id zi manis war tedji Tzzvyegh t id zi tmazzayt n ixeyyiqen Tksegh t id jar waccaren n rmuwt Taghegh xaf s imezvwan i ytixsen ad tenghen Ssuttvudvegh t s tcuni S useqsi yarzmen X yidv a, x yidv nnat X tiwecca, xafi, x wennidven War t tejjigh ad tissraw di tiri n tnamit Fssaregh t deg ijenwan d tifuyin nnidven Treqqamegh t_war ttiri d icten Huma ad attas, ad temsebdva Huma ad irid Huma ad irigh Huma ad niri Waxxa drus Waxxa dghya Maca s tidet. (Di 23/10/2OO2) |
|
