Radas war yeggîjen

Yura t: Uhaddu Mhemmed (Zayyu)

Twara t d anudem, twara t d axarresv di zman,

Sdvaffaregh rxezrat yetnufsuren zeg ussan,

Uyregh tent d aseqsi di radas war yeggîjen,

Ssarsegh tent d araghi i yin yesniomiren,

Araghi n tidett him ad ssnen.

Ssnen nigh war ssinen,

Oad ad yass uzir ad iban wi yeffaren.

Wen yesqaren, ughir ad yessufegh iwaren.

X anegh aghir, am neccin am iwdan nnidven.

Zi rxezvrat n tiwecca yeccûren s iseqsiten,

Aseqsi d araghi x wi yessvûrfen war yuci,

Yessvûrf tudart n imezran isredd it ughimi,

Aseqsi d rehriq n wur war yetgenfi,

Idubbaz zi rebda war x as neggi mayemmi.

Ahazi awarni tewwart neccin zi temzvi,

Maca tidett tura, ijj war t imehhi.

Tidett am tmûrt n temzvi i di yennefrura,

Tidett am idvnnatv i d yenna jeddi,

Tidett d neccin da zi mermi,

Tarwa n tamazgha ughir x asen ad niri.

Zayyu di 26/6/2951