Ungal:

Anabay (L'absent)

Itaru t': Nurdin Bawedra (Gulmima)

Mitri, inegh (nom) agi yugey ad iffegh tawengimt n Aksil. Seg mayd teffegh ighrem ns Tizi n Taqqa ayd ikcem tazumi (solitude).

Yettyasen g ighrem ns is wer da yettemsawal kigan (trop) de medden. Akud ameqran seg tudert ines yazzray t' (voir la nouvelle valeur phonétique de «t'» dans “Comment lire Tawiza?” à la 2ème  page) ghas netta. Mecta d ales (homme) yettghima ghas netta, ar isawal i yeghf ines, ar ittiney ighs ns di tisit (miroir)!

Yezmer wales ad yeqqim ghas netta yestey (sélectionner) ana (types) n uswingem zarres yuglen min (sans) ad t' yisin akwed yan. Dat n wad teddu d ar ammas n medden tsiwled, siwel ghas key, siwel key d ighf inek, ales ilaq ad innum (s'habituer) ad yettemsawal d wayd negh wiyyad (autres) ghef wayen yezmer ad deg s imsawal netta d ighf ns.

Ssnen medden Aksil s ucku (parce que) drusen medden, allig myassanen inger asen. Ghas ad izrey wales negh tezrey tayetcet s wass negh s yidv inin ak mayd imes, mas idda.

Ass agi arim 27 Unbir 1972, imun Aksil d yan seg imeddukal ns idrusen nnil ughlay n tafuyt ddun ad ssaran (se promener) utin taqerfit (draguer) d tegziwin (demoiselles) n ighrem.

Aksil ighwezzif ghef Wassen. Maka Wassen yuger t ayd iherran (actif), ar ghef s ttinin medden (les gens) n wis wer yessin tugda (peur).

Ghwejdment (s'asseoir) itsent (quelques) temsiwin (demoiselles) di yan wazey ar tteqlent s tmedrit (jeunesse) ad d ddun ad afint nitenti d mi yettmsawalen, kksent taghufi, nitenti ssenwant yad imensi (dîner) ffghent ad ssenwint  krayadven…

Day lekmen nnil asent yemderr Wassen s Askil yini yas:

-Agwerram! (le saint).

-Ay!

-Mad tannayed?

-Ayen tannayed!!

-Pan allen (yeux) ik  unfent…

-Wer yad nessin… seg wapli aya wer dar i theyyi tqerfint. Waqila seg mayd tedda Mitri.

-Adj anegh nn seg tfilusuft ik! Anef allen nnek gher imal teddud (oublier) ayen yezrin mek illa kra mi ylaq ad yettufek uzal patin imal (futur).

-Imal da yessiwidv, anpa (présent) da yi yesduy (effrayer), izri (passer) ikka dat i, ssnegh t iga winew.

-Ada!

Abettan (peau) n wudem (visage) n Aksil imellul. Netta kra n tikal da yettegga azawragh (pale) ammi yekka da yettetca akal iddegh imezziy.

Ad ghur s tli attayen n kramran (trentaine) n iseggûsen. Ancucen (lèvres) sdiden (mince), izil asag wer ti tannid g unmila.

Awal yeggudey as, wer tennid ad tisind mantur ad yummer negh ikejjer, yedrus mag ittedvsva. Ghas yetteggêd, anetta aswentas amm netta wer illi (exister).

Wer ssinegh mad i yaghen: ksudegh imal, izri ifulki maca wer d isul deg s ghas tiwirga (rêves) d iktayen. Gmigh g yan g igherman agi iqburen g tmazirt mi qqaren Tizi n Taqqa.

Taqburt amm medden ns.

Ar ttemghuregh amm tzuyyi yinew, zrigh ayen zran.

Ass nna g d ilula terrdvel asen taddart, ddun gher tayd nna g yezzrey Aksil temzvey (enfance) ns mad tla.

Cfigh i taddart nnegh ammas n ighrem, teccar iguddir d kuzv n tgwemma yadven yughal ighrem amm yiwet taddart tameqrant, gint tgwemma amm tsiway (pièces).

Tigemmi tedda zarres yat tsukt d tamellust (ténébreuse) ass d yidv, maca nennum ts.

Da ttanfed tiflut n imi n taddart gher azdir (rez de chaussée) tafed nn yan wazey yedda s umdud n nghynl d texzanin n ughighuy d ikeccidven d walim (paille). S azey yadven isunan (escalier) gher afella, g tella tenwalt (cuisine) n usenwi n wntci d texzanin n imendi d tiyni.

S nnigas tella tduli g nreqqa tafuyt di tegrest (hiver), d tisiway n ighimi n inegbawen (invités). G unbdu, da neggan ddaw yitran, di tegrest nens ir n walmessi g tenwalt.

Zamuran, bbans d argaz aghwezzaf, tawuri yines takessawt yezzrey tudert ins g wedrar: S wass g udray, s yidv ilkem gher ighrem. Ikka tten yiwel, yezdegh amazir ammas n idurar. Amm netta amm igider, tilelli yekkusa ts seg iselliwen d uqecmir (rocher), idammen deg s yetteddun amm win ifigher (serpent), yesdid, ini nnik taghessa yetteddun (squelette vivant).

Tamettudvt ns tga tagwerramt. Illis n yan wergaz ghur yekka da ykessa.

Buwulli, yan ugwerram aqbur, yessen Zamuran yesgunfu zarres, day msekcamen, ig t zund yan seg imyisa ns, s tumert yefka yas illis ad ts yawal. Tudert ns tin tumert ar yettiri tamettudvt ines, s ucku taghul tga tasarut n tudert ns. Zund tabusvult. Turew as yan werba, dart uyennagh temet. G uzef nnsen, wenna yiwlen tagwerramt temmet as wer yad inni yad yawwel. Iqqim min (sans) tamettudvt allig immut akkwd netta. Werss mayd ittini wezref nnsen i wenna yiwlen tudayt negh tacinwit? Mayd anegh iddan. Iqqim werba imeqqur, wer as d iqqim ghas iktayen n babas, da ghef s isawal cigan ar t' ittalegh. Innay i bba, cfigh i bba, inna bba, iga bba, wer igi bba, awal idgharen n tgemrawet yesseken as ten inna yas amezruy nnsen deg umezwaru ar netta.

Waqila ayennagh as wer yiwil awd netta tagwerrawt, yaksud ad tasru, yeqqim min tamettudvt. Medden nna t yessnen nnan ak iga yamdus, ssnen t seg wapil. Wer ids yeccan akkwed yan mad ixxan. Seg mayd imezziy ayd iburez, ar ittsafar, ar iswirig (travailler), ikka tiwuriwin nna yellan g uzemz nnagh.

Kkigh ten ar kessagh g uzaghar seg mayd gigh arba amezvyan, mer isul baba Zamuran ad yini n wis da ykessa seg temzvi ns. Yedder Fughal ghas netta, yettyabbey seg useklu, wer ghur s arraw wer ghur s imarawen (parents) wer yiwil amm wakuc (dieu). Ar t ttemgarent temdinin d igherman allig imghur min Yu ns! Wer lligh di tmazirt day yemmut bba Zamuran, aznen as medden tabrat maca wer t in tiwidv. Yemmut Zamuran, memmis ibedda ghef idvarren ns, wer djin yuzen afus ns s akwed yan. Ighzey tudert ns s ufus ns.

Aksil da yettagh g Fughal bba ns. Issen yimet terbat isem ns Mitri. Tesdid yager ts g tamelli. Imek gan allig myassanen ayd ur issin. Tra t yiri ts, myaran, munen cigan n iseggûsen. Imal wer ipa (être présent). Askil wer isfllas imal ar t' yessiwidv. Ur righ (refuser) ad swingimegh g imal, yuf t dar i izri. Tura tzemred as tegged ayen trid. Seg wass nna g yessadem tameddakelt ns ayd as yessafegh allagh i wansa ns. Tra t allig yughal iga yakuc ins.

Idv (nuit), yugey yidves ad t yewwet (insomniaque), iqqim imuyd. Anuddem wer illi. Yukey s kra da yas yettettey g tfekka (corps), yaley as gher tikcemt (fontanelle) iffegh g imejjan.

 Issell i kra n udida (bruit) isemderr ighf yaf nn ghas agadir, ghas netta ayd illan; maca da yettiselli i waqqur n medden (gens) ar isawal netta yidsen.

Nnan as:

-wer tgid aryaz!

-imagh?

-S ucku wer tenghid (tuer)  ales?

-Ales!?

-Wah! ilaq ad tneghd ales mar ad tegd alsan (humain).

Matta wya, hatin waqila ghas nekkin ayd ican kra (atteint par quelque chose), da sbertugh (délirer). Ad neqqegh ales mar ad gegh alsan. Ad neqqegh (tuer) iligh (exister) ! mantur ayd neqqagh!

 -wer teqqimid da tessad?

 -wahi (non!)!

 -negh !negh!

 -...

Tillas llant, maka netta da yettinney; zund tergha tafuyt (soleil). Tidi tegra t, yarem ad ikkes iselsa maca yaghul iles ten.

Imun d uswingem allig isella I yghuran. Amudden ar iqqar i medden ad zzvalin tin umezwaru (prière matinale). “tazvallit tuf anuddem!”

Wer da ttzvallagh……!

Aksil ighra itsen idlisen (livre) ssafghen as d imzaden n wallagh. Akuc ..!

Nek ayd igan aknc, manza akuc wer yezmiren ad irrida (danser) ; ar mek ikka waknc, tura yemmut.

Iqqim, iktey ass lligh nna g imezziy. Ikti d timezgida (mosquée) d unaghiz (odeur) n igertal n tmezgida, d imezzvillan ig d ffghen seg tzvallit (prière), wer djin  yanney tiwetmin da ttzvallant.

Issentey ar izmummug; yu (maman) ns yan wass, ar tzvalla ikcem nn yaf ts nn da tzvalla tini yas ammas n tzvallit, tsul tbdda, tina yas:

-Pan aghrum g tmendilt tazggaght.

-...!

 Tughul gher tzvallit ines.

 Islam azayez (l'islame populaire) iheyya. Yemyassan d medden, yusa yasen d. Wer idd amm islam agi; islam amaynut; yettinin i medden  “zeyyer ad tifekkiwin inwen; ad ur  tsawalen i Yrubbyen!), ''ad wer tteffghent tcirratin d twetmin nnwen'', ''aman n wadvil (vin) ar igil teswim ten'', ''rebbi yenna yawen, akuc inna  yawen tfulki tnuyi n ilgehwman'',  ''wenna yran ad iqqu yawel, mek wer yezmir ad yawel (se marier) yuzvum (jeûner); uzvum da ysettu tuqqit (la sexualité ou génitalité); awd asmummez (masturbation) wer ifulki''.

Ipi (donc) mayd tteggagh nekkin wer yezmiren ad yawl, wer zmiregh ad uzvumegh; wer ttqqugh?! Akuc, netta (lui) wer da yetteq...? Magh illa waknc? ur illi …!

Wer illi waknc, mer (si) illi wer ttemtaten medden imezvyanen.

Yummer, s uckn yettu (oublier) tireggim nna t yedvfaren.

Imiq, ar  as d isawal kra agensu n wallagh ns (cerveau)

 -Nker patin tgid memis (fils) n rebbi.

-…. ?!

-kker ad talid s igenna (ciel). Ad d tizired amadval (monde) seg ufella.

Wer yesfalles (croire) ighef ns. Inken gher tisit (miroir) yessigh times ad yizir udem ines; wer t ukizegh (reconnaître): dar i yiwet titv g uyerri (front), aghenzur (nez) yaghul imezziy, imejjan weryad ten ligh (avoir), yarem ad ighewwet (crier); maca yektey n wis meden gnan. Ayt dar s, amilass aya nna ghef ssaklen (voyager)  add kkin ghur imeddukal nnsen g uzaghar.

Yukey s iwedfan  fteln as i tfekka (fourmillement) ssighen as afa yazeggwagh (rouge) agensu n izuran; imejjan ar sinsigen (bourdonnement d oreille), ul  ar ittemmwat  (tachycardie), imi ns yezwa (sécheresse de la bouche), inetman (salive) bbin.

Ar as d isawal kra n yiwen seg ngensns  (hallucinations). Ig ammi t ilsa yan zund iselsa, ar t ittkumanda, ar t issudu, wer yeqqimi da yettenbadv g ighef ns  (automatisme mental), ittu is idder, is iga netta, yukey is ig wayed, yukey is medden yaden ay t issudun; ar itteg ayen ran.

 Ira ad inegh ales.

Nek aksil, wer djin (jamais) id yedri s ighef ad neqqegh. Maka tura ilaq ad neqqegh, ad nghegh ales afad gegh alsan.

Wer yessin mani wenna ira yad inegh, imek iga? yuf is ddigh gher isemdval kksegh d yan umettin (cadavre) fesregh tafekka ns ghef wakal utegh t. Maca amettin wer da yttakey.

 Werss mantur (quand) ayd ighey Aksil ad issigh aghilif (mal) i     wayd (autre).

Yettyassen s talwit, tura yaghul ira ad inegh amdan; is ur igi amdan, ira ad inegh maca yeggwed.

Yan wass yufa dar s bbwa ns tajewint:

 -tzemred ad tutt s tjenwit?

 -wer zmiregh.

 -...

 -Ghas uwigh ts yidi amek nnagh. Amm kuyan….

--ad mi?!

-G uzemz ad, ka dar s ajenwiy, kra akuray, abeckid, kra yelmed tazuri n imenghi (art martial).

 Imiccew ig  yenyama yughul d izem.

 Wer  yesfalles ighef ns, is yezmer ad iwwet mid wapi. Mar ad yissin idda gher isemdval (cimetière).

Isul....