Aberid aghûzzaf (Le long trajet)

Tura t: Oica Ayt Hemmu

 

Atvar iddan, intelagh g utefl ar afud,

Asvemmitv ikka yid tisûggin, yiwiy afus,

Aman da d nneghalen ar imi, yuliyd wanu,

Aseggûas ddegh yirew yiger, illa wamud.

 

Llan ighwyal, qenna ten nawiy s arûwa,

Anerar ixater, ighûzzif, tella dik s tarûwa,

Ayyur ighûzzif, afar yiwiy yagh tarûgwa,

Igejedi illa g unerar, iyyis ur t taght tamena.

 

Aserdun ur iri ay iddu, ttvfegh as tazera,

Agûjjim ixater as, yugiy ad yasiy tabarda,

Tisilt ig as terrezva i utvar, amezil illa,

Taghuni temezzviy as, taferuxt tekûwna.

 

Aman ugiyen ad alin asawen, tella temadla,

Azveru illa g yirrden, izzvay yagh waggûwa,

Agatu idda ibbiy, neri ad nesmun arûwa,

Aghenja izewa walu matca, aruku ira tarda.

 

Takat tar amennebd, ur sar tegi tin umiya,

Tafuyt ig tella g wul, ggitv ur ibbiy amiya,

Taghenbut n war tarûwa, am is ittecha afa,

Unna ghur ur illi ka, da ittisin may iga.

 

Aberid ighûzzvif, agherum g uxerid iregha,

Awal ira yili g uderaw, ur illi mayed as nekka,

Ighenka ur agh yagh,  adis yuliy d, afud itteca,

Yat s yat ar d n negulu a yaytema, ighef iregha.

 

Aïcha Aït-Hammou, 03 septembre 2001.

 

Amawal:

Aberid, iberedan: Chemin, trajet.  Aderaw, iderawen: Groupement autour de quelque chose.  Agatu, iguta: Ficelle, corde.  Agûwjjim, igûwjeman: La queue.  Anerar, ineraren: Terrain vague où est rassemblé la récolte en céréale à la fin du printemps.  Aserdun, iserdan: Mulet.  Kenu, ikûwna: S'incliner, se pencher.  Isin, issen (ittisin): v. Savoir, connaître, s'informer.  Ghezvif, ighûwzzif: v. تtre long.  Takat, takatin: Foyer, cellule familiale.  Tamadla, timadlwin: Pente, élévation.  Yat, ittsent : prép. Une.