Taghucet n wul (chanson du cœur)

Yura t: Mansvuri Hammu (Ayt Ishaq)

Ar cem ssarax

Kix akw tiberdin,

D wadgharen isentlen.

A tafuket izelan,

Dared n tillas n iman.

Ar ghifem rezzux,

Bbix adraren d izughar,

Isaffen imuoar.

A tadvfi iddan,

A tvadvsa ikkan.

Ar cem tanadax,

Zvrix isanfen n ujarif,

Isacaten n wasif.

A taydjuyt ifsan,

S usidd d waman.

Ar hettvux

 Iles inew ihlan,

Ur titenala uberan.

Amezruy iteqqisen,

Ad ur iyecim advan.

Tilelli ighudan,

Ur ttisukef yan.

Izerfan n umadan,

Ad serirrent gher ku yan.

Ar terajax

Midden inew iguten,

S yan igerdvan,

Ad inin:

«Nlula d imazighen

ad nemmet d imazighen».

A yul inew iyenghan,

Ad ur tedzad ciyan.

Ayt Ishaq, 22/9/2001.