Tasarut

Tura t: Aïcha Aït-Hammou.

Afus degh ayed issiriden wa,

Ku udem tella ghur s tarewa,

Ku tigenwet teghiy ad teg taruga,

Aman da tekkan dinna i wufa.

Tegamet asid i tillas a tifawet,

D as tikkimet amud i tgeruret,

Ig dikes uledejig am tafuyet,

Ixiter ared ig am tassamet.

Tasarut tella yi g ufus,

Ig righ rezvemegh ahidus,

Ar nettirigh ared iddu ufullus,

Neddu negen may ila wass.

Idda usafar nem a tagut,

Mayed yad terit tannurt,

Afad ad as teket tafullust,

I wunna yad iran tafunast,

May terit a ayed degh n ufus,

Inna uwen yan umagus,

Kas n awa ameteghus,

Ared walu awed yan ufullus,

Da teddud s Wawfus,

Tawiyed dik s anaruz,

Tinit asen magh allig,

Inin ak ur t nessigh.

Aïcha Aït-Hammou.

Amawal:

Af, yufa: Trouver, exhiber. -Afullus (pl. iffullusen): Coq.- Anaruz: Envie, regret. - Asafar, isafaren: Remède, médicament. - Asid: La lumière. - K, ika: Donner, tendre. - Ssered, issured: Laver. - Talleset (pl. tillas): Obscurité, - ténèbres. - Tarewa (pl. tarewiwin): Progéniture. - Tasarut: Clef. - Tigenwet (pl. tigenewin): Orage, nuage. - Udem: (pl. Udmawen) : Visage. - Wawfus: Une oasis dans la région des Ayt-Mereghad.