ASEMYISSEN D TENGMART N WAWAL AMAZIGH

Bajji Saoid (Xnifra)

Iya wawal amazigh, awal nnegh, iskan aqrru nnes s uqerru nnes, ur iyi ca icet n iles d ibdvan zeg idj n wawal dvnini, yili gher s iles nkew taskwa ibdvan zziks, iferoen g "Lmughrib, Dzayer, Libya, Tunis, Muritanya, Mali, Nnijir d Burkinafassvu". Ilsawen a n kew azey lla uttvun g idj n wawal (min tteni amazigh) maci ghas g tirra nnes maca sg twuri d umsawal iny imezdagh.

Awal amazigh isul idder inyer yirsawen midden, llay is  ttarin terzi d iswengin nsen g maggan taghawsa ar uollun imssigel g usays n «terzi yirsawen» is iya wawal amazigh am yits iwaliwen, gher llan lehruf inagmar yusin isem n ''tifinagh'’ (Tifi = angrru nagh, nnegh) a tifinagh, a tifinagh = angrru nnegh «notre trouvaille»

 Yilli gher s ''tassundva ussef d udasi'' n s temsawal midden inyerasen, illinn gher s "tassvundva yuttvun" idjgwaghen (ilgwaghen) ghay adjin imssigel ad ssufughen ''iggimen mawal amaynu''. Ackew iya umawal tirsal n tusna d usgdel, hema ad naf g tanila ya:

Awal anaglizi iyan datvas assufegh n mraw iggimen (10.000) umawal g usays n terzi d tusua, mnid n tam iggimen (8.000) aseggûs n 1980, fir n manig ar isufugh kuzv iggimen (5.000) asggûs n 1970, mnid n sa (7.000) iggimen umawal n tsufugh Fransis.

Mec iya taghawsa n maggan awal pat ila xef tenbadvt n Lmughrib ad tasi anzwum i wawal amazigh iyan d takkasit n tgharma d wawal s temsawal ighurman imaghrabiyen tedder g  twuri midden n tmazgha.

Ney nukni imasayen uya dat umezruy. Ar nettafa "tamunt n teskwi" g wawal a bla ma ad nettu mag  uri "ANDRE BASSET" "pat mesvkit wawal amazigh d izuran d tilghiwin wussefkt dik s tamunt ar taskufult, n mec tekkid tessind kigan icet g ilsawen a, tfukkadv g uzemz imzziyen ad tessiwled s tiyadv, ak inzzghen ad tafed is yan ghas idj wawal" itteoajbegh iwya. Lolu "Med CHAFIK  "is illa gher s awal amazigh  tassvendva yuttvun ilgghwaghen lla dik s takem tattvut tamzzyant d tekwswat, d uwccem d uzettva iwaliwen s twuri isuoddun assufegh n kigan imawal n minurzzu ad illin".

Tekka tifinagh illa dik s sdvis d mraw (16) lherf, oayden yen si mraw d krad (23) yusin isem n ''tifinagh issusmen g wussan n tenbadvt n gllit "tamazilit d tnumidit hema ad as ittuzayden "tidbagin", ffir n maghas ittuc isem n "UGAMK" tid sar ttarin imazighen n zik, ar ttarin xef igudar, ifran d izvra zeg wafella gher s adda g tizwiri, ffir uyen urin xef maggan azey, teqqim swaki ar ffir inggwura n "tassut: mraw d tsva amlal", hema ad ncun itwarg iyen terra zeg ufasi gher s azvalmad am taorabt, cwi afen is tebdva tmazight d taorabt s yits lhruf ur llinin g tmazight, tva, dhal, d dva iy uzgen n "Tassut: tsa d mraw" ancu umezruy n trezi g wawal amazigh, s umata tirzi n imssigel ibrraniyen am "ANDRE BESSET, LAOUST, LAFUENTE, BYNON ..." ar inggwura n "tassut si mraw".

Iln yits imssigel g tmazgha am «DDA LMULUD, SALEM CHAKER, ELQADI QADDUR, Med CHAFIK''  yufan is iya wawal amazigh idj g iwaliwen idder maci ghas iwemsawal maca iya awal ibadven ad tmun d tgharma d skan iwaliwn dvnini.