Askasi: Tamghart tamazight jar sin n tisar

Tura dt: Mayssa Racida (Benyyveyyeb, Nnadvûr)

Tvam zi mars d ass amedvlan n temghart amen nessen marra. Itennedv jar iseggusa, yarezfef d mkur aseggûs am wass a. Maca min itegg d min yegga d min gha yegg wass a i temghart nigh qao d ayûr d amedvlan. Di tmura n barra tmizar timazzarin (pays avancés) nigh timezwura deg wmadal, qao tamghart toayan ghar wass a tessewjad as, ttaf idt d ict  n tnufsitc mahend ad tesduqqez marra tidariyyin nnes, ad tfarregh marra ur nnes, ad tessars fus ad thada tiseqqar nnes icten d tennedvni. Tiwedv aodar deg izerfan n tmazirt, tiwedv attvas id as itwaksen zeg wattvas id as yeqqimen oad. Maca mara nessemqudda tamghart a, x yedja wawar deg umadval, ak temghart nnegh di Lmughrib ntaf dinni tizi (fossé) temghar attvas.. temsebdvant attvas x waya-wya. Neccin di tmazirt nnegh msebdvant temgharin x sin n izeynan: Tamghart n temdint umi qqaren tamghart taneghrumt (civilisée), d tamghart n dcar, tamghart tasunit (rurale). Amecnaw tameggarut a oad war iwidvent  huma ad ssnent ira aqqa din ij n wass n temghart d amedvlan war xaf s tesrint qao maghar oad di tmûrt nnegh awar x taguri (être en retard = sous-développement) d taqubbanit izedghen tawengit n temghart nnegh. Mara necsi t d ijjen umacnaw  ntaf it rebda tetwattu twasinef (marginalisée)  di tghemmar zeg ughezdis n tesghart nnes di tghuri d wermad d tesghart nnes deg izerfan d tesghart nnes di tirelli. Arni ghar s tizemmar i zi tnekkar huma ad teswiza deg usxinectir (économie)  amen tnekkar s tebrat nnes di tudart tesseqdac it, tessyam it amen tenna. Tabrat a nigh d tamesract a id as iwca yarebbi i nettat wapa mghar aryaz, nettat d tarwa d tasyumi n isuta (générations). Tamghart nnegh tamazight d nettat i tugha d awar x taddart war itarezzi, maghar upu! ura x tmazirt qao, mara nedwer deg umezruy nnegh n imazighen, tamghart tenbedv (gouverner) iyduden d imeqranen amcnaw: Dipya d Kapina d wattvasv am tina i d idaregh yessinf itent umezruy war tent yidar. Maca ak wunudv n zman tedwer temghart twettva s wazal nnes d wawar nnes d nettat s ixf nnes i ydewren am yicten n rqecoet teznuza di tafekka nnes umi twasewca (être exploitée) dieg sussen (bublicité) d tamsussent.

TAMGHART TAMAZIGHT D TAGURI:

Mara imrawen n tittvant (recensement) yetwaggen i temgharin war yeghrin qqaren 60% nigh 70% n temgharin oad war ghrint di tmazirt nnegh. Necc oad twarigh ad nini 100%, maghar tighuri war tedji d iseklan d tira nsen, tighuri d tussna yiriwen d uxarrisv yizdigen d uhakar d usseqdec d utvunnec (vigilance) d uremmud amecnaw: timesna n tasyumi d mammec gha ad tesgenfa yaseymi nnes d mammec dt gh ad  tessemghar deg wakudv a iqeshen, ad tessefra, ad tessuyûr ameddur nnes ak wakudv a nteddar, akid s tuyûr dvar x udvar s marra min yessutar n tghawsiwin zeg usermed n yires d tmesrent d tsenselkint (informatique) maghar ruxa ak usuggi xaf negh d tegga "lantirnit" d min day s d amaynu. Tighuri zeg ughezdis nnedvni tessighit, tessefra tanegrawt (mentalité), tessezdag it zeg wattvas n tmessunan d ilemmuden (habitudes) i yzedghen ihewsen attvasv n temgharin amecnaw: imegza d imrabdven d ca n izerfan mmarsen x ca n redcur srusan ten jar asen war day sen tamesrent ura d azref mghar taguri.

TAMGHART TAMAZIGHT D WESXINECTIR

Da ad ssiwregh x temghart n dcar, mara nexzvar ghar s ntaf it tabber am nettat am waryaz. Ca n twaratin ttajar idt, maghar nettat tabber di taddart d barra nnes, aryaz itettvef barra wapa. Tamghart teswiza di tfedjaht am tyarza am umjar am usvarwet, teswiza deg wayam deg uharwec d imugnan (industrie) n ufus amecnaw aram d traxt d tracniwin.......ar a.

Maca marra manaya i zi tnekkar war itcir rxezvrat n waryaz maghar abar nnes nettat axmi yennufar nigh iddurri rebda tghima axmi war ttegg walu deg wxzvar n waryaz, ticti d icten tesyam tkessi ttaru.

TAMGHART TAMAZIGHT D IZERFAN  N WEFGAN:

Ca n temgharin war tent netwiri mghar d asemqar nni ifulkin yecnan i d as ggin imezwura n imazighen "TAMGHART" i d yekkin zeg wmghar nigh ameqran, wenni ten yujaren, wenni xaf sen d anebbadv. Maca nettat am ict  n rqecoet zi reqcuo timucat. Timessunan d ilemmuden sbezzan xaf s ad teddar mammec yexs waydud nni s min day s d taguri. Mara tamesrent tuss d awarni wami tugha twandvar thenjart amen teddar rami nettat d tahanjart tewca tiseqqar i temghart tessemghar zzay s tessecneo zzay s. S tesghart nnes ad teffegh  ad tghvar ad termed ad tessermed ad taber di marra izuray yenna wezref, maca ashissef amarzag rami ufugh a nigh d tirelli n temghart a ssewcan t di tghawsiwin war cnint amecnaw asussen nigh asmer ismaren tamghart mghar di min war t isgeooiden, ismar it d ijj n wawlaf (image) yewdva oejjnen xaf s idvaren, mammec tewdva deg ûttvas n txecfin rami tecti tirelli mammec texs nettat war tesseqsi tamesrent ura d azref ura ad tesseqdec tawesna nnes.

TAMGHART TAMAZIGHT D TSEKLA:

Mara nedwer ghar tsekla n tmazight, ntaf x yires n temghart i d anegh tiwedv ar rux nettat s yizran nnes d temcaputin (tihuja) nnes d twafitin nnes d ca zi tmessunan nnes.

Izran i tugha qqarent di marra tighawsiwin i yteggent, izran a d ineghmisen i d anegh issiwdven huma ad nessen azghat d farwazghat zeg wmezruy nnegh iweddaren, qqarenten deg urar, deg umettin, di rehtic, deg iyran, deg wabar n taddart amacnaw: tazwact d uhray d userpi n isiyman, tugha ten deg imenghan amecnaw taqessist n " DPAR N UBARRAN". Mammec qarent Tinfas d twafitin, ssyament zzay sent arrawen mahend ad tiriw twengit nsen ad tighit ad yemghar uxarres nsen. Min yejjin tamghart tamazight d ict n txabect n tsekra, mammec tehdva tutrayt n tmazight war tweddvar, taggû (témoignage) n umezruy i temghart tamazight rami teswiza x ughezdis n waryaz, x ughezdis n baba s, x ughezdis n uma s deg imenghan ak uhewwas i d isuggen x tmurt nnegh, teqqas akid s tarzugi d tizvitv n issegusa nni rami yekka razv x tmurt nnegh tedwer temghart a d tamusnawt deg ussawken  n imatcaten d isafar mahend ad tnegh razv d rattvan x rwacunt nnes.

Tudart tfulki i temghart, tamghart tamazight, ghar m akid m tutrayt d wezvwar  d tsekla nnegh n tmazight mahend rar tweddvar.  Infarar

17--3--2001

 MAYSSA RACIDA