Tmazight deg ûgraw wis 6 n Littihad Lictiraki

(L’amazighité dans le sixième congrès de l’U.S.F.S)

Aghul zi “taghawsa tamazight” ghar “taghawsa tadelsant”

Yura t: Muhemmed Budpan

War d anegh yezvwi (surprendre) agraw wis sdvis n Littihad Lictiraki s usetmi (marginalisation) d ususem nnes x tmazight… War d anegh yezvwi acku abrid adiyuliji n ukabar a yetwassen s tamzighufubit nnes tameqrant. Ujar manaya, akabar n Littihad Lictiraki, deg ûgraw nnes wis sdvis, yaghul ghar deffar deg ûddad nnes arendad (vis-à-vis) i tmaezight:

1 - Inabadven (gouvernements) yizwaren tugha tmimsen (zi 'mmis' = adopter) addad n tenbadvt tamejgalt (l'autorité supérieure) arendad i tmazight. Agellid Hassan wis sin, i tugha itgenses (représenter) tanebbadvt taxatart, issikez di 20 tamyûr (août)1994 zi tmazight u yssusel (ordonner) ad twasermed deg igherbazen n tgelda. Maca anabadv n temlellit (alternance) yedwel d timdeffart i min yenna ugellid: Deg wsudvrer (déclaration) anabadviw (gouvernemental) yeghra aneghlaf amezwaru (premier ministre) mass Lyusfi zzat ibarlamniyen, yessiwel xef “usedfu n tmazight” (“réanimation” /promption de tmazigt) deg izemz tugha netraja ad yessiwel xef wesnas (la mise en application) n min d yusin deg inaw n ugellid. Agellid tugha yessiwel xef usermed n tmazight, Lyusfi yeddu gher deffar xminni yessiwel x usedfu n tmazight. Wa d ughul (au sens de 'revenir en arrière) amezwaru, di min iteqqnen ghar tmazight, zi yessenta unabadv n temlellit.

2 - Deg wneqqis (rapport) amatu yeghra Lyusfi di tghimit tamezwarut n wegraw wis sdvis, ntaf “taghawsa tamazight” tweddvar u tetwesmeskel (être changée) s “Tagahwsa tadelsant”. Aneqqis war yidar (mentionner) tawalt (mot) n tmazight ghas (sauf) mani yessiwel x ussusel (ordre) n Lhassan wis sin huma ad twasermed tmazight i ymeghrabiyen.

Dix, aneqqis war yessiwil xef “taghawsa tamazight”, yessiwil xef “taghawsa tadelsant” yedjan d ijj n usentel (sujet) i ytiriwen (s'élargir) i wattvas n tmesrayin mghar asermed n tmazight. Imara asudvrer anabdviw n 1998 war yessiwel xef usermed n tmazight, ntaf idt beoda yidar tmazight am ca d akmam (concret) u d usdid (précis). Wa d ughul wis sin i yegga Littihad Lictiraki arendad i tmazigh zeg ûmi yttvef tanebbadvt (pouvoir).

Maca i neccin imazighen, mani nedja? Min ntegg? Ad neqqim alidv nselledv (analyser = sefsey) addaden n imazighufubiyen u ad nesfurput (regarder un spectacle) ukan? Itxessva ad nessen u nessikez is d alkak (faiblesse) nnegh i yedjan d amentil (cause) n tegdelt n tmazight ghar ikabaren am Littihad Lictiraki. Asetmi n tmazight negga dt neccin s imant nnegh, acku nella am war nelli. Imazighen qao llan aked tmazight, maca drust n imazighen i yzemmaren ad mmten xef tmazight. Tugha netmetta alidv xef tmûrt huma ad nazzer xef  impersanen (colonosateur = ameseddurrey aussi) d imaslaken (conquérants). Ituman d (il parait) is tmazight war ttif ansa nnes mghar imara nekkar ad xaf s nemmet am tugha ntmetta xef tmûrt nnegh.