Bismi llah d anjdi n ayt ussammer ay nga

Anaâzza umat nx inix yan ayd ak nga

Illa uzayi ula umyill illa da uyussi dix

Da yaIlla ussussi da yalla irifiyn s ilgnan

Ha ussdrat yuzzl d id utdght yall s uqjdim

Loudaoui ur as nghiy i tassa ns zrind anzgum

nnani imazighen ismmughi ul ngh ighus g uheddiq

Mer tannit Mimoun d Aggor id idammn as alln ur dmin

Taghufi ur ufigh mas n gigh afus g afus ar tinzri

Terghak rrhemt urki terri a bab itran att afn dinn

Ar allan winna tnessnnin axxid argaz intel z zik

Axxid argaz idda axxid amazigh d allily ayd gan

Ar ikkat gellint ibedda iwaddur zeg mayd ihezza

Awal afnenn is tuslkan imazighen is asn ittuga

Umur idruss ar tussekkan g maggan tiqqad d iberdan

A Bougafer iwa sghuy uninn ghr i Saghro amz ibeddi

A Moha Ouhammou ghr I Aâssou teghrim iwrifi iga lmzit

Inatsn is ur tannim andlib izlayax g umzruy

Amani ur ewwitx as enna amani ur emmutx xf eddir

Kesnax amzenn idghar izil arraw inw aghuld igellin

Assa da essutur g iberdan eddan all l’Europe s imezdagh

Iqqem umghiz am tin elli ar ittawgh imun d umrdul

Many mayd immutn inkraf ellan awd dghi eddx i lhbous

Ichirran gellint ibeddan ennan isd aya ur ax igi

Ukan amzen miss n Attoch d Ussaya enngh grint I lkbol

Ullah ullah ur kn tettux a winna chfanin tigherdin

I tirit d uburz ad I mun imazighen assin timnza

Ghas an amz amur jaj umur neghd awix tixat s asddir

Amur ennk a mmis n umerghad amur a u Atta d may d gan

Amazigh n ilaffn ass enna g ixub I amazigh akw dghi

Ha Loudawy igawn akerkour n timmuzgha urta bedint

Ha tamunt a ait ughighuch aghagh is beddan g izmzan

Zrat anzar isd imeqqa as iddar ginaxd adida

Asif ibdan urda teddun ugha tegden digs inejda…

Han issatten eddan s insendal zrinaxd amur mas nga

Tamazight emma ngh ay tga awal ngh ebba ngh ayd gan

Unn ittun babas ghend emmas ammi tingha yamz ahidus…

(Yara t ali khadaoui g Kénitra ass n 20 - 01- 2962/ 01 – 01 - 2012)