Tabesbast,  Ghellil,  Tinghir!

Mad cemmin, Â Mmugadir, is tessent?

Manza Ludawi?

Manza, Bab n awal,

Bab ne tassînit?

Adêbib, aqusas, amgharê n ammegraw;

Tawada ne amnay,

 unna ur t issinen.

Nnan temmuttit, ur nedmi;

Ku yan, abhâdê yusit.

Awal yudef amezzugh,

Adday t tennit;

Asiwel n amesnaw,

Ul ayd as issan as; idla as.

Adgharê nnec imqqur;

Mayd ids tegam,

 tajda d imeddukkal?

Nessen, tudert is tella,

Tili tamttant;

Nnig asent, Akkuc, waryuger.

Adêbib, aqusas,

Win amudîn, iwdanen;

Yumezê g tagallit lli,

Ne Hypocrate.

Ur djin asen inni:

Mayd tmest,

Umani,

Mayd takkat?

Inna asen, i ku yan:

Ini iyi, Mayd ce yaghen?

 Ludawi! Ssiwedê azul,

I Dadda Âettâ, de akkw Mazigh.

I akkw, dis, midden zîlnin.

Hâ ac, Mnid awen, Abehri,

Azayku; de mennawt wiyyadê.

Munat, Smunat agraw meqqorn;

Ar ak nessirim,

Aghellay inn,

Tudert ad ac timim.

(Hha Oudadess, Rrebadê)