Teddit a nba, teddit urta!

Tezrit, tezrit imazighn g umtva

Ursar, ursar knettu abda

A yanazvur a yamghnas

Tgit asafu i tillas,

A yimozvi a yatrras

Taghuyyit nnek noeqqal as,

Tusit tillawt ad temhut tikrkas

Tusit cigan n umzgum keyyin argaz

Temmaght d attughul tmazgha i babas,

Trit i wmzvlutv ad itc isu

Trit i wnbdu n umazigh ad ifsu.

Teddit a nba, teddit urta!

Isul usnflu nek rat idurar n saghru

Nekni ur knugi nsul nra ad nedru

Ism nnek g idlisn qan ad t nuru

Anzgum nnekqan ad as nals ard ifru.

Teddit a nba, teddit urta!

Meqqar d rruh nnek g tudert fsin

Asafu nnek ur nenni ad t nadj ad xsin,

Ur nttini temmut ad k a yigllin

Tsult teddert g wulawn n imazighn d tmazighin

Tekcem tayri nnek kullu tidrwin,

Sg imgun ar msemrir

Sg tazarin ar tinghir

Amzruy nnek qan ad yidir

Ad t nehdvu ar t nesxitir.

10 - 01 - 2011

Mustapha elamrani/kelaa megouna

mustaphamesfaw@hotmail.fr