min nssn xf umaru (écrivain) adzayri katb yasin? nssn is yura aïïas n idllisn s tfransist, u tuva t oawd d amvnas d amqran n tmazivt.

maca ssa, xf uswir (niveau) n wassav (rapport) nns akd tmazivt, i tssnta tinnuzva (ignorance) nnv s katb yasi: umi ntta d amvnas d amaziv, ntta, dix, d amaziv, ils nns aymmawi (maternel) d amaziv zund (am) qao imvnas imazivn am udzayri mommri, amuvrabi azayku, alibi sifaw... u am qao imvnas imazivn n umussu amaziv.

 maca min ur nssin is tutlayt (langue) taymmawit n katb yasin ur tlli d tamazivt. uhu, nttat d taorabt acku tawacult (tawja) nns tuva ur tssin tamazivt, tuva tssawal vas taorabt. dix, katb yasin ntta d "aorab" u maci d "amaziv" akd ulgam (critère) itwassnen dg ubïïu jar wi illan d aorab niv d amaziv mqqar algam ad yugl (erroné).

katb yasin tuva t, dix, d "aorab", u iddr tmçi nns dg yat n tmnaät (environnement, milieu, région) tççu digs akkaä (le fait de détester) n tmazivt mamc itoawad dg min yura. tuva iqqn, dix, ad yili d yan n umazivufubi d agrud (de façon totale, entière). maca var unggar yavul d yan n umvnad d axatar n tmazivt. yura xf tasaät (héroïne) tamazivt "dihya" umi ttinin waorabn "kahina" (timprgit = magicienne) acku ursar zëin tamvart d tagllidt u tslwy (être  chef) tazmmalt (armée) u tzba (résister) aorabn puma ur sshrisn (coloniser) tammurt n imazivn. 

mamc imsar al ami yavul katb yasin "aorab", u di yat n tallit (époque) mani tuva tavawsa tamazivt ur tlli oad, d amanzav (défenseur) axatar n tnttit (identité) tamazivt ujar qao inni (willi) n umussu amaziv n wass ad? yasin itqqis (raconter) xf tanukra n wafrak (conscience) amaziv vurs amya: "ntflis (croire) ass ad, di dzayr u dg umaäal, is tutlayt n idzayryn d taorabt. ula d nk tvilv aliä (toujours) d taorabt al ami wddarv dg lqbayl u ttrv zg yan n umsbrid ad yi iskn abrid. ssiwlv akid s s taorabt yarr d xaf i s tmazivt. nk ur gzuv (comprendre) min inna u ntta amnni nnit. amsawal ad n iäaräar ijja yi ad ssqsiv ixf inu: is iqqn i uqbayli yad ad ilmd taorabt u ad tt issiwl nvd d nk i iqqn ad lmdv tamazivt u ad tt siwlv, tamazivt illan d tutlayt n tmurt zg ami issnta umzruy?".

ammu (amki) i d ilul ufrak amaziv var yasin u ad isfukkr (découvrir) yasin tnttit nns tamazivt. zi snni d ntta imzzv xf tmazivt u isnngmä (au sens de "consacrer") idllisn nns xf amzruy d tnttit n tmazivt. yura xf "dohya" d umgaru (guerre) nns mgal (contre) aorabn. ittini katb yasin imala (mc) tashrst (colonisation) tafransist tvlel (durer) 130 n isggusa, tashrst taorabt tsul zg 14 n timaä (siècles). inna oawd is takufäa (aliénation) tamqrant maci ad tilid d afransis, ad tilid d aorab.

yasin tuva yizzar i tallit mani iddar acku tuva yiwä ad issn is tammurt n wagafa (nord) n afriqya d yat n tmurt d tamazivt shrsn tt waorabn.

ntaf ass a di lmuvrib agraw n imura (écrivains) ismuna tadrsi (élite) n aggagn (intellectuels) n lmuvrib. aggagn ad aïïas zzaysn ccatn di tmazivt u zbban (lutter contre) tt. asmi vad asn nini max tccatm di tmazivt, ad anin acku nkni d "aorabn" ur nlli d "imazivn" u ur nssiwil tamazivt.

maca mavar ur tggn waggagn "aorabn" am katb yasin "aorab" i yavuln d "amaziv" itmziv xf tnttit nns tamazivt awarni ma ifrk (prendre conscience) is ntta, am qao imzdav n tamazva, d amaziv tuva t d tavtst (victime) n usoarrb d takufäa illan d analkam n tskkirt (opération) n usoarrb ad.

tamçla (différence) jar aggag yasin d waggagn imuvrabiyn is ntta ismurs (réussir) ad ilullt (se libérer) s takufäa taorabt u ad yawä vur ufrak amaziv amzdag dg ukud mani aggagn iorubiyn n lmuvrib suln dg takufäa nsn taorabt ad asn issirdn anli (adji) u tarr itn d aorabn ujar aorabn s imant nsn. takufäa yad taorabt n waggagn imuvrabiyn d yan n unjug (obstacle) d axatar itbddan dg ubrid n ingmiyn (revendications) imazivn. innum umussu amaziv itarra tamasit (responsabilité) n tgdlt (exclusion) n tmazivt var tnbaät waha. maca itettu tamlilt (rôle) n waggagn imuvrabiyn dg tgdlt ad. imala lmxzn ur itssikiz (reconnaitre) s tmazivt, acku aggagn n lmuvrib ur zzays ssikizn ula d nitnin. lmxzn itaf daysn yan n usdaw (soutien) d amqran itnnal (soutenir) addad (position, attitude) nns amazivufubi. maca mc (olik) aggagn ad ad ggn zund katb yasin u ad ssuärarn (annoncer publiquement) is nitni d imazivn di tnttit nsn maca tuvayn d tivtas n takufäa taorabt, lmxzn ad yaf ixf nns iqqim d awlawal (seul) di tamazivufubit nns. ayad ad t isäully (pousser, rendre nécessaire) ad issnfla (changer) addad nns puma ur d ituman (paraitre) d anfur (étranger) xf uvrf (peule) nns.

iqqn, dix, ad issnfla umussu amaziv tarrayt (méthode) n uvnas nns s wudm vad t ijjn ad yuc taynit i waggagn imuvrabiyn puma ad tn d yarr var ufrak amaziv u ad tn islullt zg ufrak aorab am min imsarn i waggag katb yasin.