Baba yeghra day m lquroan.
Temsaman!...
Nec ghrigh day m izran.
Temsaman!...
Wi cem yejjin t-menzid
Ghar tarwa nnem
D imezran?
Temsaman!...
Isigh d afuss n tazuri
Ad zzay m arecmegh zmann
Temsaman!...
Ufigh amezruy inu
D wenni nnem
Yuri d d izvewran
Temsaman!...
Yenna t uca yenna t
I tungint n Ubarran
Temsaman!...
Tezzvu day s tudart
Raxart n imedvran
Temsaman!...
Acar nnem d nnuqart
Yemmex sen buyjarwan
Temsaman!...
Ad ayagh d tcuni
D rhenni x idvewdvan
Temsaman!...
Tizadjitin inu day m
S tsvuratin n yezran
Temsaman!...
Ad tent wardigh d anexsis
Zi yususen yexsan
Temsaman!... Temsaman!...
