Iqqen n ad t tezzvu, neg as aman,

Ad t nawey ar tama n ughebalu,

Iga yasen zund aghebalu i yiman.

Ad as nekkes g ddaw as asellebu,

Afad yan wass ay iwet s uzvegher,

Ul nnes ay ig jjemmar, ad ur ibu,

Ad as iddu yigheneka ad ur inedder.

Awal nnegh amazigh ayd yad gan,

Unna t iran, niri t, awd ar as nekessa,

Unna t ur irin, ul unegal ayd as gan,

Aman irewan, unnagh ur da ten issa.

Awal amazigh isul ard yagh tudert,

Ad as ig aleddejig amellal g uqqemu,

Afad ad sar ur yisin fad, iwet s tgedert,

Azvegher g waman, ifer iga yalemu.

Awal amazigh iga ghur i am usekelu,

Llan as waman ammas n izvegheran,

Ifer ikka yigenna, ur igi yameddallu,

Isul ard agh ik tiyeni, arwen ighweran.