ghari rebda tudsed
Yura t: karim kennuf
di mermi mma, di mani mma di qao di min texsed
di ca nigh ca war yadji ghari rebda tudsed
mara tetvsed nec faqegh i nec umi tetvsed
teswid nec ffudegh i nec umi ttassed
cem yeysin ur inu d tammurt x toefsed
d rimart n idvaren inu s idvaren nnem tarefsed
cem yeysin tiri inu n tfuct zzayi tzemmved
nec di smvayem nnem tyardegh cem d tesmedv
teysid ayi d tarewriwt i rqarh inu tumsed
ma aydud inu d tazwaret x dcar inu tessuysed
Snegh radas inu d uxsas i tettexsed
ma raggûj inu d adfer zi fad nnem itteksed
tcarzed deg ur inu teghzid ar ami tuhred
war dam nnigh maghar ura d min ttegged
tugha d tahwict nnem di tezzvud min texsed
id isghemyen asennan s wur nnem i thetced
(karim kannouf, amarir@hotmail.de)