Afulki n tmazirt inu
Yura t: mohamed arejdal (bouizakarn)
Ur sar km tugh a tamazirt inu
Tuft kraigat anaw n tmizar
Tamazirt inu amu id rarn ad ttuinin
Fatarnt tircag utfl mllulnin
Tamzirt inu ammi izughar ghzifnin
Ghabssant tuga d imndi bughlanin
D ijddign nflulu d talwrdin d lghnbaz
Ur sa tugh tazgzut gh igran
Klanin skraygat anaw ijddign
Ur sar tugh imuzzar n waman mmimnin
D timdwin dranin d issafn ghrdnin
Fatsrus tslit n unzvar azttans
Tamazirt inu tfulki, tamazirt inu truda
Pa il! pad aftas! pad tafukt!
Amalu nm aghd tnkr tawja nu
Ar ttalgh afulki nm aram ttini ayyuz
Tayri nm tlla gh hulawn n tarwa nm
Lli zdarnin an gin idamn nsn amzvn acbar
rarn krakmid iran sgar
gin afus ghufus wana yam iran afulki
ad aln imalnm s wafra d tadrfit d tankra.