Tghild
Yura t: masher n at jadu (Libya)

Tghild iman nnek d agerwal
Irxa tesmezyi d ussan
Terni d ula d ikercan
S iles nnek yuzzel awal
Imezyan d imezyan
Af abrid nnek adelsan.
******
Tutlid irxa af terrugza
turid idmaren nnek
qebl ad tadel tagura
defren itparen nnek
tghild tespel tagrawla
ad t tessekred agar yunnnek.
******
Ass u yetbeddel lhal
lzven ijerren d idan
in tusa d isan
mnit mnit n azal
ad tawid agar itvan
tup niyyet tagara nnek kan.
******
Sesten iman nnek
apat tmeddert ad t tuklal
ad temmedder war imal
waqila yemmet ul nnek
addew negh nneg ical
ammek ad yagh yi dek awal.
Amawal:
agerwal ---- ثورى
tesmezyid ---- عاركت
ula ----- حتى
imezyan ----- معارك
adelsan ------ الثقافي
defren ------ تخلفوا
yunn nnek ---- أهلك
tusa ----- الكبد
isan ---- اللحم
mnit ----- كم
azal ----- الثمن
itvan ---- الكلاب
tagara ---- النهاية
sesten ---- سل
apat ------ ربما
tuklal ---- يستاهل
war ---- بلا
imal ---- المستقبل
addew ---- أسفل
nneg ----- فوق
ical ----- الثراب