Tawiza

issarsar wanina (cloche). Zeg tburjut n umaris , twarvigh tannart (cour)   d inelmaden temhizwaren x lekwanef d tsebbarin. Wa ineggi wa. Wa itneggaz x wa. Xarvsegh aqay akid sen. Ioday ad irvigh ijjen zzag sen. Ijj n butuffin isqemqem d ci n idellisen , yudef d x anegh. Issutar zzag s umagay ad ayi yawi ad yegg astittiy (examen ) deg wsidven (mathématique). (tamarwast yus d wakud nnes.Amya ig xarvsegh). Dvfaregh t' ar ict n texxamt n temsirt (leçon) tetwaray (vide). Yuca y ij n "ttabacir", ighra d xaf i ci n uttvunen. Ur ssnegh mamec   gha arigh uttvunen deg ammas nsen iziruten. Zeghlegh, ur din telli turda (sans doute), mermi i xaf i id yeghra uttvunen uca yennay i ad ggegh s adu nsen innidven s usettef ruxennit ad ten smunegh, d mermi i d yeghra x afi innidven deg addad (cas, position) d yejj ad ten ksegh zzay sen. (Nec oemmars war ggigh tsekkirt (opération) amya. Ggigh t maca s uzedjif wapa "ukan". Zdat i manaya ighra d x afi iziruten . U mechal qeshen iziruten deg ammas.
Ndvur d ar umaris. Amesselmed a ur d ayi d yusi x lxadvar. Ibughas uca d imsarufen (pitieux) jarasen, netta asaruf (pitié) ur t' yessin. Ucigh aked ixef in u ggigh tizemmar (timessuman) d tixatarin. Ucayi ad ksigh 50 ikiluten n tezdvirt (poid), ad uyyuregh zzay s kilumitr, wala ad ggegh tizemmar ad tinegrawin (mentales).
Nufa ag umagay yan uterras yarsa (yaredv) tajedjabt . S tsebbanyut yesseqsa yi x wezwil (nom) inu . X uraq n trarit, x uwtay inu (age), x Tvanja d mayn tugha day s   teggegh.
Arrigh x as. (udem nnes yarva yi d cway n usirem "espoir"):
-Mani tesned tasebbanyut?
-Aked irumiyen imadasen nnegh, d ayt n landlus deg Tittvawin d Tvanja.
Ur itesgumbur ci amaknaw amesselmed n isidven (mathématique), balak (peut être ) yesghura tasebbanyut, xarvsegh. Amugay yettar zzay s ad ayi yesker (yegg) yan ustittiy (examen) d utlay (oral). Yettar zzay i umagar ad duregh asekka .
Ughulegh ar teghremt. Ur ttvifegh ci abrid amatu ig izeften manis id kkigh mermi id usigh. Iccur ghas s toejjajt, idvaren inu puggan deg wcal nnes ajedyan (sablonneux).X ighezdisen nnes ifargan n trumiyt (tapendect), d ixbac tefghen d zzay sen iharmucen asel tisila, olayn asel arvudv, wedhen, d ci n itvan mmelkken (faibles) gan icentan (batards) zedjgen d ul, d ci n yazidven tetten deg wzzan. Deg wneggaru n uwebrid, ij n uwanu ur itiyem asel leqwar. Zdigh ghar s, ssijjegh x tisi nnes tamsallast (obscure), asqarvi n rvadjagh nnes ineggyayi aday s udvigh (hufegh), ij usqarvi i yesnekkar day i akw igarinuraz (désespoirs) i ghari yedjan: asqarvi inu   ameghlal (eternel). Hartegh d   x ict n ttarcet (=azvru d ameqran) ur nnigh ar ami t id ksigh, arzvmegh as day s. Sedjegh umertax nnes gi tisi nnes ig iqquren zeg aman, ruxennit, i yuseghdvi. Ssijjegh x usadjas "nnes". Zi tisi turvi d akid i ict n tuqqurt tursudv (dégoutante), tweqqeh (tiède) , tetwajju (emmagasinée) day s. Uwgjegh cway x imi n wawan umursudv. Amertax nni   yeqqima ay deg wmezzugh ci n tudinin. Xarvsegh maolik (xemri) advepcur nni yudvan d nnec. Nec ur djigh d azvru. Balak ad taf qqimen idammen inu tazlen, tazlen gi tisi ar gha sqarvegh. U tameqrant mara ur mmutegh. Nec ur djigh d azvru. Sighigh gi ticrvi inu. Anugh (voix) n wettvu ijebdayi ghar s    ad as   tinid   twaggent ayi timegga, nic temseosaregh (résister) akid s ar ami ict n tseklut ghars   ict n tirvi teqqur qqimegh s adigh nnes   tesnejm ayi   zzay s.