Tabrat i wmedduker x webrid

Yura t: Saoid Oebbuti (Tifarsit)

Nnepra ma ad ayi tinid

A yamedduker n webrid

Idvennatv ira dedjid

Ruxa tdewred tedvwid

Ghar urumi tedvwid

Manaya oemmars war t’ teggid

Nix rid ammu ija tenwid

Maca ruxa a wma

Cek ad tghared umi tezvwid

Nix cek a wma ad tesred

Attvas n wawar i ghad tecsid

Tamagit di barra a wma

Tegga am tesrit n tudart tirid

Tcuni n timura n barra i twarid

War tesmuttuy war tessirid

Ammu mexmi ghad txemmed

Min teggid

Ad tafed rid amenni

Cek a wma ija tenwid

Mara cek war day i tettiqid

Uyur d ghar dcar ad tesseqsid

Rexdenni cek i ghad tessned

Mechar cek a wma itseqqid

Di tmurt nnec awarn ac i tejjid

Mghar ijj n ughimi di remrah

N taddart

Amecnaw tamment n tzizwa

Tizvidv

Mara oad a wma tensid

Di taddart nni i di teymid

Rexdenni i ghad tessned

Ixf nnec min teonid

Rexdenni i ghad twarid

D wa i zi ghad teggenfid

Rexdenni oawed i ghad tafed

Mayenzi cek a wma

Di barra tesrubid

Mayenzi deg wzray tenderfed

Tnuffared amxmi tenghid

Reghrubeyyet tbedda day k

Amecnaw isid

Maca ghar k a wma

Iri d aryaz war teqnidv

Ad tax oad ad asen ca n wussan

I di ghad tezyenfid

Ghar k a wma ad tesghensed

Umi cek war kid i tedjid

Waxxa a wma dinni cek tufid

Marra min ja tarezzud

Maca cek a wma war tepnid

Nec taryex ttarex

Da nitni aked webrid

Ca zi marra ttvawex

Ad ddeqqarex am wejdvid

Arezzux x tmagit di tyumi

I wurawen d ddwa yessebrid

Tudart mebra tamazight

Am remrah n taddart

Netta war yefridv

Nix amecnaw ayermam

Aman nnes dewren arewyen

Nnepra a wma ma teswid.

(Ass n 5 zi ghuct 2953)