Ifes n tudert

Yaru t: Uhmad Kassu

Ikkatten deg wakud aqbur nnag tsawel tmacaput ghef yat tawsit n medden ar neqqan imarawen nsen adday iwsiren ar ten ttawin ad ten sikken i yan ir iolan yusin swennagh azwel n "iri n imarawen", ddun ghef tanumi nnagh ar yat tikkelt, llig d yiwedv mulley yiwen degsen, nnan as ad tawid baba inek amcinna nega, inna y asen: waxxa... d netta ur izmir ad inegh amaraw ines, ikuker, igwed inna mayd ittegga; ad t iffer deg uhanu n walim irar asen n w is t inegha. Adin ayd iga... awin medden deg winsen is t yiwey gher ir n tmettant.

Zrin iseggûsen, iddu d yan useggûs n tghurart tamezv tmara medden; ur asen illi unebdu wala afen ifes kerrzen imal maggren ad siwlen ghef ughbel ten yaghen.

Ar sawalen ur iwidven s kra n userruy i tmukrist yussan inker, zeg grasen uryaz lligh ghifsen iskarksen inna "ad awen inigh yan usufegh i tassast nnegh maca ur i ttsalem mayd i t innan"

Nnan as siwel ."yal yiwen ad iferdv alim n uhanu ines ikerzt". Mmseksun s udmawen "ayd ur neswingim i ta", inna yiwen. Inker wayedv ar isawal s tanila n unna ghifsen ifran min tteggen. "Awal a ur idd winek, ur tenghid baba inek", irra sen uryaz "ad awen inigh tidet, baba ur t neghigh, ffreght deg uhanu n walim ar as ttawigh utci llig agh tagh tmara n tghurart seqsagh t iftu ghef i ayen awen nnigh". Gan medden s uyenna sen inna uryaz lligh deg ilkem wakud n tkerza ferdven ihuna n walim kerzen kra n iyuren mghind ifsan deg igran.

Aghulen ghef myd llan la tteggan, nnan zeg uzemza ur neneqqa imarawen nnegh..."