Tamessizwarut:

Max tsul tegdelt n izewlan imazighen di tallit n Tsentiwt Tageldant  Tamazight?

(Pourquoi l'interdiction des prénoms amazighs continue-t-elle dans l'ère de l'IRCAM?)

Yura t: Muhemmed Budpan

Isul twegdalen izewlan (noms) imazighen meqqar yella Ugherbaz Ageldan n Tmazight yetwasenten (être fondé), mamec nnan, huma ad yarr azal (valeur) i tmazight. Imala tmazight oad war tufi ansa nnes (place) deg wgherbaz, di talghut (information) d tedbelt (administration), nzemmar ad naf asaruf (excuse) i wyad di may itetter usekcem n tmazight deg wgherbaz d talghut n wukud (temps) d ughawas (planification) d idrimen. Maca ad tsul tegdelt n izewlan imazighen awarni 16 n iyuren zeg ûmi yella Ugherbaz  Amazigh, ayad war nzemmer ad as naf ula d yun n usaruf. Acku arzvam n izewlan imazighen war itettar idrimen, ula akud, ula aghawas. Itettar ghas (seulement) asemsu (annulation) n teghtast (décision) n uneghlaf n ugensu (ministre de l'intérieur) i ygedlen (interdire) izewlan imazighen.

Imala (adday = si) addad (attitude) n tenbadvt (pouvoir) war immeskel (changer) arendad (bnid) i yzewlan imazighen awarni wsenti n ugherbaz amazigh, ayad ira ad ini is agherbaz ur yelli mghar (ghas) d ict n tsentiwt d talghawit (formelle) war ghur s ula d yat n tezrirt (influence) xef tilawt (réalité) n tegdelt d usetmi (marginalisation) n tmazight. Ira ad yini awd is tanbadvt, s usuli (le fait de continuer) nnes n tegdelt n izewlan imazighen, ur d as yecqi (ne pas prendre en compte) Ugherbaz amazigh, u s unelkam (par conséquent), war izemmar ad ismeskel (changer) ightasen n tenbadvt bnid i Tmazight. Ayad i nezmer (nzemmar) ad nessegmedv (déduire, 'ad nesseflu' aussi) zi tikerzvi ujar (plus d'intransigeance) di tegdelt n izewlan imazighen awarni usenti n Ugherbaz Amazigh: Awarni ma tugha azwel n “NUMIDYA” yetwagdel di Lhusima wapa, yaghul yetwagdel di temnadvin nnidven zund Tinghir. Azwel n “Idir” i tugha alidv (lebda = toujours) yureg (autorisé) yaghul yetwagdel.

Meqqar tasenbadvin (tribunaux) war nekksent (être obligé) ad dvfarent aghtas n uneghlaf n ugensu, maca ntaf izarafen (verdicts)  nnes, i teqqnen ghar tegdelt n izewlan imazighen, temsasan (être en accord) aked tumayt (contenu) n weghtas n uneghlaf n ugensu.  Tasenbadvt n Lhusima tenna, deg uzaraf nnes lli (i = qui) yessentmen (confirmer) tagdelt n izwel n NUMIDYA, is NUMIDYA d yun n izwel d “anfur (étranger) u war yelli d amughrabi”. Ayad d tidett!: awarni 50 n iseggusa n tegdelt d usetmi n tmazight, taneggarut ad taghul d tanfurt di tamazirt nnes. Maca infuren n tidett, winna (yinni = ceux qui) i d yusin zi tiniri (dehors, extérieur), ghulen d tarwa n tmazirt! Amyaba (contradiction, aussi “tanemgalt”) yad yesskan (montrer) d tafesna (degré, grade) anida (extrême) mani yiwedv uweddvar (tuzzla) d tibawt (négation) n tmazight al ami taghul d tanfurt x ixf nnes u di tmurt nnes!

Imala tsul tegdelt n izewlan imazighen asel (sans) ad ismeskel (changer) Ugherbaz Amazigh addad ad, ad tafed ayad ira ad yini is tigharawin (compétences) n Ugherbaz Amazigh ur tmezvlayent (être différent) xef tigharwain talghawitin (formelles) n Useqqamu Ameslyan d uzref n ufgan (conseil consultatif des droits de l'homme) i war yesbedden (arrêter, mettre fin) azubbet (kidnappings) n ighermanen (citoyens) d qao timekridvin (violations) n uzref n ufgan.

 Addad (situation) ad icerredv (imposer) xef Umussu Amazigh taghdveft ujar (plus de prudence), asegru ujar (plus de mobilisation), d uswingem s tunuzvt (avec sérieux)  di tawilawin (formes) timaynuten n weghnas (militantisme), d tuddsa (organisation). Asuli n tegdelt n izewlan imazighen d yan usenked (avertissement) ittini i Wmussu Amazigh is Agherbaz Amazigh  war izemmer ad issidmer (satisfaire, répondre positivement) tineghmiyin (revendications) nnes. Dix, yuccel zeg Umussu Amazigh ad ifulla (le fait de s'appuyer) xef iman nnes d weghnas nnes.