Tamesizwarut:

May ira weghlif n walmud i tmazight u zi tmazight?

(Que veut le ministère de l'enseignement de et à tamazight)

Yaru t: Muhemmed Budpan

 Nzvewyen (être surpris) iselmaden (enseignants) d ibabaten n inelmaden (imehdvaren) s usekcem n tmazight deg ûpil (programme) aghurbiz (scolaire) n useggûs amezwaru n ulmud amenzu (primaire) mani ad as fkan tamert (heure) d 45 n tusdidin (minutes).

Attavs ad inin is ayad yizvil u itenfu (être utile) tmazight, acku Amussu Amazigh tugha  itnegmay (revendiquer) alidv (toujours)  asekcem n tmazight deg ulmud.

Maca asekcem n tmazight deg ulmud yesfada (requérir comme condition) asmutteg (préparation) d angawi (matériel) u d abidaguji, zund (am) aseddenki (formation) n iselmaden, asmutteg n idedllisen ighurbizen (manuels scolaires) d upil n may ghad yetwaslemden. Ur yeggi walu  weghlif n ulmud s uyad, ur dis ixarres, ur d as d yecka gher twengimt. Addad (attitude) n weghlif yesrusa attvas n iseqsan, zund: may ira weghlif n ulmud i tmazight u zi tmazight?

Di 8 sedyûr (juin), yeddes (organiser) weghlif n ulmud yan n umsagar (rencontre) di Rbatv xef upil n uselmed n tmazight. Imusnawen yumun (participer) deg umsaggar ad urin i weghlif is yuccel (falloir) ur yessidif tmazight gher ugherbaz aked ukeccum aghurbiz (rentrée scolaire) ar ghad yesddenkey (former) iselmaden u ad ismutteg allalen (outils, moyens) ibidagujiyen. Tugha tghir anegh aghlif n uselmed ad yessenta ad yesddenkey iselmaden u ad ismuttegh idellisen ighurbizen i tmazight, memec i ttaren imusnawen yumun deg umsagar n 8 sedyûr. Maca aghlif n ulmud ur yesli qao may d as nnan imusnawen n tmazight. Ightes (décider) ghar arcuq nnes (suivant ses caprices) ad “yesselmed” tmazight. Max, dix (donc), ioardv (inviter , 'isserzef' aussi) weghlif xef imusnawen n tmazight u yettar zzay sen ad as sseknen may ghad yegg deg usentel (sujet) n tmazight umi (au sens de 'puisque') tugha yeghtes ad yegg may ira akwmay (quelque soit) ghad yili waddad n imusnawen yumun deg umsagar n 8 sedyûr?

Awed, max (mayemmi) yisi weghlif n mass Seof aghtas (décision) a  awarni ma yessenta Ugherbaz Ageldan n Tmazight (IRCAM) tawuri nnes? S unegmedv (surtout, notamment) Agherbaz ad itumey (disposer de, contenir) yan ulemmas n Ddidactik d Tabidahujit. Max aneghlif n uselmed ur yettir zeg wgherbaz n tmazight ad as yesken may ghad yegg deg usentel ad?  Max “yessekcem” tmazight gher ugherbaz zzad ma ad tetwaghtes tmesract n usekkil (graphie)?

Asekcem n tmazight gher tghuri, s tarrayt (méthode, façon) ad yexxun (être mauvais), asel (sans) asmutteg d ughawas (planification), d yat n tlekkawt (mépris) i tmazight ad. Iselmaden war ssinen may ghad ggen s timert d 45 n tesdudin n tmazight. Attvas zzay sen sseqdacen (utiliser) azemz (temps) n tmazight i wannal (soutien) n taorabt, sennsen (appliquer) may d yusin deg ûrkawel (pacte) aghelnaw n ulmud d (charte nationale de l'enseignelment) yeggin s tmazight tismeght n taorabt. Ayad yesmekti (rappeler) anegh zi may yizzar tegga BMCE umi tesselmad tmazight s usekkil aorab. Addad n uneghlaf Seof  bnid (arendad = vis-à-vis) i tmazight iteqqen ghar teorubit n Seof i yzemlen (signer) tasumert (Pétition) yerdun (accuser) imazighen s tamezzazvart (Racisme) mgal i waoraben! Aghtas n Seof ira ad issebrar (faire échouer) aselmed n tmazight afad (hmak) ad tuman (paraître) tmazight zund yat n tutlay ur ttemsasa (convenir) i welmud d ugherbaz.

Aseqsi yadvnin: max yeghtes weghlif n Seof ad isselmed tmazight ghar uneggar n unabadv (gouvernement)  n temlellit (alternance)? U aked usenti n tefrinin (élections)? U Aked ukeccum aghurbiz yexxun ujar (la pire rentrée scolaire)? Iseqsan ad sskanen d is dinni aghawas n tkemmawt (offense) d tlekkawt n tmazight.