Tawiza nnegh marra

Tura t: Mayssa Racida (Bentveyyeb,Nnadvûr)

 

Mani yedja wmaru (écrivain) arifi / tarifect deg iyyar n tsekla d usenflul (création)? Ad adfegh s useqsi ya ghar marra imeghrayen (lecteurs) n tawiza. Mara nekrebbet (méditer) mlih aghmis n tawiza, uttvun  62, deg ughezdis i yuran s tmazight, ad naf tindviwa  (variétés) n isneflulen n tmazight i d iwdven aghmis zeg wattvasv n ighezdisa n tmazirt nnegh acnaw: Tinghi -Tapla - Ayt Ishaq - Oin Lluh -Tinejdad - Arbatv - Gulmima...... Ta d ict n  tnufsitc tqad attvasv u tecna mahend ad temsagha ad temressun tmazight jar tasusit d tarifit d tacelhit, u mahend ad trura tburjet a ij n usussen d wemsvawadv d umsagar xef tefray nnes ra di tanffust ra di tqessist ra deg ungal ra deg umegradv....... Maca min ghar xsegh ad awdvegh netta: tawiza teffegh d zeg wur n Arrif amen nessen marra, mghar netta amaru arifi iba (être absent)  xef tefray a, war ssinegh iba (absence) ya  mayemmi ura  ar mermi? War ntettu marra it negh ydveffaren abeddi nni n uyur i tegg tawiza mkur ayur belli tugha t imaruten i t itarin ak umeghnas ameqran Mass Muhammed Budpan d irifeyyen marra. Qqaren di tmazight ij n umedya: "War itmetti Yexref hama yessexref". Maca neccin yemmut Yexref nnegh d isexref nnes. Danita, tamettant a war tedji d andver inetyen, maca din aoarq n tmazirt u yizwar ayi urigh xaf s deg umaris yeodu, d uoarq n tmaggit d uoarq n yiman.