Imechar d amettva yudumen deg uhsi

Amettva nnem a yemma zeg ur yescemedv ayi

Min xaf m a yemma teggid t tejjid ay d d irelli

Tesremded ay awar tesremded ay abeddi.

*** *** *** ***

Tejjid ay d amezdugh nec dewrex d anewji

Tejjid ay deg isvuraf dewrex ghar usenti

Ihewwes ayi wakud icaref ay di mezri

Icaref ay deg useghdi amettva d uraji.

*** *** *** ***

Raghigh d xaf m a yemma zi tirja yefsusen

Raghigh d xaf m a yemma ssighegh amd ifassen

D ttudart a yemma rid d nnec ig ixsen

Ad irix

d anecruf di zman a yarezgen.