ttinin ifnatn (adversaires, ennemis) n tavawsa tmazivt is tanggarut ad ivna (créer) tt id "ddahir lbrbari" i yvna usdurry (colonisation) afransis puma ad ibäa jar imrrukiyn. arnnin is imrrukiyn tuvatn zzat "ddahir lbrbari" tddarn munen ur din bu bïïu jar wn illan d amaziv nvd d aorab alami d yusa "ddahir" ad afransis uca tuman d tvawsa tamazivt tssawal xf imazivn am ca n imrrukiyn tmsbäan xf waorabn.

ayad d tidtt u d tidtt nican: tavawsa tamazivt tssnta akd "ddahir lbrbari". maca maci wnni d issuffv agllid mupmmd wis smmus, wnni d ssufvn ayt "llaïif" mani turdn (accuser) tmazivt d imazivn s usmsi (complot) akd fransa afad ad tn d tssufv zi lislam u ad tn tssidf di trumyt. "ddahir" ad n ayt "llaïif" d ntta, dix, i tuva awarni tgdlt n tmazivt.  tavawsa tamazivt tlul d ad tmzv xf izrfan nns i ad as ikks "ddahir lbrbari" n ayt "llaïtif". s unalkal, "ddahir lbrbari" d ntta d amntil n tvawsa tamazivt acku d ntta i ygdln izrfan n tmazivt mani tn iqqn vur usdurry d ubïïu d usmsi.

mc (mri) ur illi "ddahir" n ayt "llaïif", ur izmmar ad in yili umussu amaziv i ytettarn asikz zi tmazivt i gdln ayt "llaïif".

ayad iskan d is "ddahir lbarabri" d ntta i d ivnan s tidtt tavawsa tamazivt. maca asmi vad nssn is "ddahir" ad vnan t ayt "llaïif", ad nssn is ayt "llaïif" d nitnin i d ivnan tavawsa tamazivt acku tuman d puma ad tmzv xf izrfan nns i gdln ayt "llaïif".

imala ifnatn n ingmiyn imazivn ttinin is tavawsa tamazivt d yan n umussu d amazzaçar (raciste), acku "ddahir lbarbari" d ntta i d as yfkan tumayt ad tamazzaçart mani isfukkl (prétendre) is tmazivt tra ad tbäa ngr imrrukiyn.

asmi itettr, ass ad, umussu amaziv asikz zi tmazivt, itettr di ditt asbddi n usmkl (traitement) n tmazivt mamc tuva vur s xzzarn ayt "llaïif".

maca amussu amaziv ur itbddi ca vur usali akd "ddahir lbrbari". ntta itettr ad tili tnttit n uwank d tamazivt am tmurt n lmrruk i illan d tamazivt.