 |
uïïun 154, sinyur 2960 (Février 2010) |
|
|
|
Tadvuri n tguri Yaru t: Ouboubker Abderrahmane (Amazigh Fdoux) Ign urttum, tdvr d tguri
Iffr unli anghwmis n tduri, Taddum ghifi yat n tguri Ar nttlli s uskkil n tlili, Ar ntlli Ar ntlli Ar ntlli Manza askkil n tlili. Nssagh umiyn… Nssagh tirra Nwwarg astta… Tagrawla Nwwarg afa… Tagwlla Ar nttazzal Ar nttazzal Ar nttazzal Nkwlu addal n tizi S uzrf n udghar Nghmu tillas Nssfugl asdlfu Nzul s warra n wafa Ar nzzizin Ar nrqqa Ar nzzizin Ar nrqqa Nasi ysufa Afa s wafa Nrzzf i wakal timmuzgha Ffrgn ignna tissumga Mmrzn iskkiln Yut uzwu tifiras n tniri Mmrgn iznzarn ilahh i yidv taghufi n ughuri Ar njrubbuj Ar njrubbuj Ar njrubbuj Nmdvl akwttay n Twada Grsn imhasn Ar nttara timnirin Nrzzf INKRAF Nrzzf INKRAF Nrzzf INKRAF Nrzzf imssan n TLILI Nara timnirin ng timktit n Yuba Nara timnirin Ng asfru n Tipyya Nara timnirin Ng asafu n Yughurta Ar nttara Ar nttara Ar nttara nsmurg azkka S ugatu n wassa Nzlm tawda Nslmc tikssad Nzdm taghlaghalt Nrg tillas Ar nsfyyuc takatin Nzmu tirgin Ar ntturar tirghi Ar ntturar Ar nsguggu Ar ntturar Ar nsguggu Ig waggu inigi Ig ighd inbgi.(amzruy n tirra: 14_05_2007 ass n unkraf amazigh, tata,tanzruft tamazight)
|
|
