yan n umyaba (contradiction, paradoxe) axatar n umzruy anmtuta (contemporain) d amnvi jar (ingr) aorabn d udayn. max? acku tsmuna tn yat n tadiyulujit d ictn: tavalca taorabt (panarabisme) d tashyunit n wudayn. sin ad n tidiyulujin vur snt bddnt xf imnzayn (principes) d ijjn. dix, tuva iqqn ad ilin udayn d waorabn munen d awmatn u maci d imgzar (ennemis).

mani tmun u ttmsagar tavalca taorabt d tashyunit?

tssnta talalit n uvalca aorab dg umzwar n timaä (siècle) i yzryn dg usååas n 1912. imnzayn nns d asmuni n waorabn xf tirsal n idammn d uçwar. ttini tavalca is aorab d wnni (walli) d iqqarsn s uçwar d aorab u tazzln digs idammn d aorabn. dix, iqqn ad tili tamunit taorabt d tisit n tamunit n idammn d uçwar nns manis d qqarsn.

akd uvzdis n tamiärant (notion) tamazzaçart (raciale) n "tayunt taorabt" (unité arabe), tlul d tamiärant tajuvrafit (géographique) i kids iggurn. nttat d tammurt mani ttddar tayunt taorabt. tammurt ad ttinin as "tamazirt taorabt" (patrie arabe" ituzdawn (s'étendre) zi "l^xalij" al "lmupiï".

yavul, dix, vur tavalca taorabt, d açwar n inbbaän itgucculn (déterminer) tanttit (identité) n iwunak (états) u maci d tammurt mani tddarn iwunak ad.

d manya i ntaf nnit vur umussu ashyuni:

udayn tuvayn tddarn zi lbda di ciyan n tmura dg umaäal. tuva tanttit nsn tddaffar tammurt mani tddarn. inni di tamazva tuvayn d imazivn, inni n fransa d ifransisn, inni n miãra d imiãriyn... ammu i tuva udayn al ami d issnta umussu ashyuni dg timaä wis 19. tashyunit ad tsmun udayn xf tirsal n idammn d uçwar manis d qqarsn. dix, min itgucculn tanttit n wuday, maci d tammurt mani i tddar, d idammn n babatsn imzwaru itazzln dg içwran nsn, babatsn ad i iddarn di filisïin awarni aïïas n timaä. d manya i nçra s imant nns vur tavalca taorabt.

tmuna waod tavalca taorabt d tashyunit dg usmemms (adoption) nsnt i tamiärant n "tamazirt tvalcayt" (patrie nationalitaire) i vad yilin d tammurt ismunan aorabn (dg tavalca taorabt) d udayn (dg umussu ashyuni).

ttmsagar oawd tashyunit d tavalca taorabt dg usqdc (utilisation, manipulation) nsnt n ijjd (religion) puma ad szzryn (au sens de "justifier") tadiyulujit nsn tamazzaçart.

di tidtt, asmi ksn ishyuniyn filisïin i ayt bab nns ifilisïiniyn, tsnasn (appliquer) imnzayn n tavalca taorabt s imant nsn: u yac ifilisïiniyn d aorabn, dix, iqqn ad avuln vur tmurt n babatnsn imzwaru illan di ljazira taorabt. oawd iqqn ad avuln udayn vur tmurt n babatsn imzwura i tuva tddarn di filidïin.

ammu (amki), ntaf dix tavalca taorabt tfka i wmussu ashyuni asfukl (justification) zi tpwwas tammurt n filisïin. acku tammurt n inggura yad d tmmurt mani ivmi uçwar nsn amzwaru u maci d filisïin illan d tammurt mani ivmi uçwar amzwaru n wudayn.

s unalkam, imala iorubiyn ivalcayn di lmuvrib, tgzarn (déclarer comme ennemi) s tidtt amussu ashyuni, yuccl (falloir) ad gzarn tavalca taorabt illan d tashyunit s wudm d aorab. yuccl, dix, ad ttarn ad yavul uwank aorab di lmuvrib d awank d amaziv zund tammurt tamazivt mani itddar uwank ad.